web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Korçë/ Policia zbardh detajet

5 Dhjetor 2016, 18:43, Aktualitet CNA

Policia e Korçës ka zbardhur ngjarjen e rëndë të ndodhur sot, ku babai 41-vjeçar ka vrarë dy fëmijët e më pas veten.

Ngjarja ndodhi në lagjen nr 4, të qytetit të Korçës, rruga ?Koli Tupa?, ku në banesë janë gjetur të pajetë nga familjarët e tyre, trupat e shtetasve : N.T, 41 vjeç, V.T, 4 vjeç (djali i tij) si edhe J.T, 7 vjeç (fëmijë i ardhur nga martesa e parë, e bashkëshortes së 41 vjeçarit).

Nga veprimet hetimore të kryera nga ana e shërbimeve policore në vendngjarje, rezulton se shtetasi N.T, gjatë natës, pasi ka mbytur e më pas ka varur dy djemtë e tij të mitur, është vetëvarur edhe vetë në ambjentet e dhomës së tij.

Në vendin e ngjarjes janë konstatuar edhe disa shënime, të cilat viktima ia kishte lënë babait të tij, ku e sqaronte atë për aktin që do të kryente.

Ashtu siç raportoi citynews, dyshohet se ngjarja mund të ketë ndodhur për motive xhelozie, ndaj bashkëshortes së tij shtetases M.T, 22 vjeçe, me të cilën i ndjeri ka pasur mosmarrëveshje të vazhdueshme.

Policia ka kryer gjithë veprimet e nevojshme proceduriale të rastit, ndërsa materialet iu referuan Prokurorisë për Krimet e Rënda në Tiranë, për veprën penale :?Vrasja për shkak të marrëdhënieve familjare?.





Lajmet e fundit nga