web counter
LEXO PA REKLAMA!

SHKARKO APP

App Store
Google Play

E fundit!

x

Krimi në Fier/ Enkelejd Alibeaj: Tahiri bën propagandë në vend që të mbronte viktimën

5 Dhjetor 2016, 14:20, Aktualitet CNA

Për ngjarjen e rëndë të ndodhur dy ditë më parë në Fier ka reaguar edhe Enkelejd Alibeaj, Kreu i Departamentit të Rendit dhe Sigurisë në Partinë Demokratike. Ai thekson se policia nuk ka bërë detyrën e saj, duke lënë të pambrojtur Liliana Rukon.

“Sot është zbuluar me prova e fakte se viktima Liliana Ruko kishte urdhër mbrojtje nga Gjykata, pra që ta mbronte nga bashkëshorti që i mori jetën.
Sot që u publikua ky vendim, që tregon se Policia nuk ka bërë detyrën, Saimir Tahiri krekoset dhe jep mend, bën si i dhembshur dhe thotë se fajin e paskan të tjerët, e paska politika!!
Kjo është një përgjegjësi konkrete, e tija dhe vetëm e tija. Sepse ai mban përgjegjësi kur policia nuk zbaton një vendim gjykate, kur nuk mbron një grua të kërcënuar në mënyrë sistematike.
Me dhjetra policë sulen për një makinë të parkuar keq, apo për ti hapur rrugën atij dhe udhëheqësve të tjerë, por nuk gjendet një polic për të mbrojtur jetën e një gruaje.
Ti lërë dënglat e të mbajë përgjegjësi, sepse është direkt përgjegjës për humbjen e jetës së gruas në Fier.”, shprehet Alibeaj./ Citynews





Lajmet e fundit nga