web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Korçë/ Tahiri akuzë politikës: Promovon dhunë në Parlament

5 Dhjetor 2016, 10:44, Aktualitet CNA

Ministri Saimir Tahiri ka reaguar për ngjarjen e rëndë të ndodhur mëngjesin e sotëm në Korçë, ku babai ka varur me litar dy fëmijët e mitur e më pas veten e tij.

Tahiri është shprehur se si prind dhe si ministër është i tmerruar nga kjo ngjarje e rëndë.

“Dënoj ashpër çdo rast të dhunës në familje”, tha ai, duke akuzuar edhe politikën, pasi sipas tij shpesh herë kjo e fundit promovon dhunë nga debatet në Parlament.

“Duhet të punojmë më shumë për të pasur individë dhe komunitete më të informuara dhe më të organizuara për të refuzuar dhunën dhe për të referuar apo denoncuar dhunën sa më parë dhe nga ana tjetër duhet të punojmë të gjithë së bashku për të ndaluar promovimin e dhunës në parlament apo kudo tjetër. Politika ka një detyrë shumë të madhe që është: Të promovojë modelin pozitiv të të jetuarit në këtë vend apo të të zgjidhurit të konflikteve. Dhe kur edhe parlamenti kthehet në një arenë dhune, qoftë kjo dhunë verbale dhe jo rrallë edhe dhunë fizike, atëherë sigurisht sinjali që marrin qytetarët është sinjali më i keq i mundshëm. Ndaj e përsëris, politika t?i lërë dënglat dhe të punojë maksimalisht për t?i dhënë qytetarëve mundësinë të shohin se pa dhunë mund të zgjidhim shumë më shumë.”, është shprehur Tahiri gjatë inaugurimit të ambienteve të rikonstruktuara të Komisariatit të Policisë Kurbin./ Citynews





Lajmet e fundit nga