web counter
LEXO PA REKLAMA!

SHKARKO APP

App Store
Google Play

Ngjarjet në Fier dhe Korçë/ Klosi: Vendimet e gjykatave, sa për sy e faqe

5 Dhjetor 2016, 13:50, Aktualitet CNA

Ministri i Mirëqënies Sociale dhe Rinisë Blendi Klosi reagoi për ngjarjet e fundit, në Fier dhe Korcë. Në tryezën ?Unë Zgjedh të Jetoj pa dhunë?, ministri Klosi vuri theksin tek nevoja për ndryshime ligjore, ashpërsimin e ligjit kundër dhunës.

?Ka nevojë akoma për ndryshime ligjore, për ashpërsim të ligjit. Në këtë përpjekje madhore që po bëjmë për të ndryshuar mentalitetin tone, kemi akoma nevojë që ndryshojmë mekanizmat ligjorë dhe ne këtë do ta realizojmë. Ngjarja e vetëm pak ditëve më parë në Fier ishte shokuese për ne të gjithë.  Cfarë nuk funksionoi? Eshtë e qartë që dicka nuk ka funksionuar ashtu sic duhet. Jemi duke bërë një analizë të plotë të referuar të dhënave të policies, e cila në këtë hallkë padyshim ka pasur përgjegjësitë e saj dhe punën e saj për të mbrojtur më mirë familjen dhe për ti dhënë mbrojtjen Zonjës e cila kishte e kërkuar këtë mbrojtje?, deklaroi ministri Klosi

Ministri gjithashtu e vuri theksin tek vendimet e gjykatave, ku u shpreh se po bëhen sa për sy e faqe.

?Tërheqim vëmëndjen këtu edhe për zbatimin e urdhërave mbrojtës, sikurse nuk ka asnjë shpjegim përse gjykatat nuk japin dënim maksimal për autorët e këtyre ngjarjeve. Ngjarja e Fierit përfundoi tragjikisht.  Por kemi raste të tjera si rasti I Vlorës që kemi diskutuar para pak kohësh ku gjykata jep urdhër mbrojtje sa për sy e faqe, një urdhër mbrojtje I cili nuk garanton mbrojtjen e gruas apo zonjës së dhunuar. Fundi tragjik në Fier ndodhi edhe pasi kishte kaluar rasti në dyert e gjykatave. Fakti që gjykatat japin shpesh dënime të buta nuk shkon në drejtim të përpjekjes për më pak dhunë në shoqërinë shqiptare. Të gjithë duhet ti rishikojmë mekanizmat për parandalimin e këtyre ngjarjeve?, tha Klosi./ Citynews





Lajmet e fundit nga