web counter
LEXO PA REKLAMA!

SHKARKO APP

App Store
Google Play

Gjyqtari i akuzuar si shkaktar për vrasjen në Fier, u denoncua nga qytetari 3 vite më parë

5 Dhjetor 2016, 20:31, Aktualitet CNA

Policia e Fierit ka nisur procedimin penal me akuzën e shpërdorimit të detyrës për gjyqtarin e Gjykatës së Fierit, i cili dha vendimin e mbrojtjes për Liljana Rukajn, gruan që gjeti vdekjen ditën e shtunë pasi eshtë hedhur nga kati i katërt nga bashkëshorti i saj.

Gjyqtari Ergys Selmani akuzohet për shpërdorim detyre pasi sipas policisë, rezulton se në shkelje të ligjit ka neglizhuar zbardhjen dhe dërgimin në kohë të vendimit për mbrojtjen e Liljana Rukos tek autoritetet përgjegjëse për mbrojtjen e saj.

Policia thotë se pas kësaj ka ardhur pasoja e rëndë e vrasjes së saj nga bashkëshorti.

Nisjen e hetimit për gjyqtarin në fjalë e ka përshëndetur përmes rrjeteve sociale ministri i Drejtësisë, Ylli Manjani.

Një një vëzhgim të citynews, rezulton se gjyqtari Selmani është denoncuar më herët nga qytetarët për ?shpërdorim detyre?.

Në një nismë të kryer nga Ministria e Drejtësisë në vitin 2013, kur drejtohej nga Nasip Naço,  ?Stop Korrupsionit në Drejtësi?, gjyqtari Selmani është denoncuar nga një qytetar.

 ?Denoncoj gjyqtarin e Fierit Ergys Selmani për shpërdorim detyre, pandershmëri në kryerjen e detyrës, pasi ka marrë një vendim të padrejtë. Nuk ka marrë në konsideratë provat dhe dokumentet e rregullta?? ishte ankesa e radhës nga shtetasi shtetasi N.R

Nuk dihet nëse autoritetet përkatëse e kanë hetuar rastin në fjalë, por portali për denoncimin e gjyqtarëve nuk është më i vlefshëm. http://ankesa.justice.gov.al

Në atë kohë, Ministria e Drejtësisë publikoi 301 denoncime për drejtësinë, por mesa duket asnjë prej tyre nuk është marrë seriozisht./citynews





Lajmet e fundit nga