E fundit!

08:20 Aktualitet

Seancë e ngarkuar në Kuvend/ Shqyrtohen sot 24 pika të rendit të ditës

Kuvendi i Shqipërisë mblidhet këtë të enjte më 16 korrik, ...

Veliaj fillon sulmin ndaj Edi Ramës

4 Dhjetor 2016, 19:22, Aktualitet CNA

Erion Veliaj, kryebashkiaku i Tiranës nuk ndalet në ambicjen e tij për të kapur karrigen e kryetarit të PS-së pas largimit të Edi Ramës. Veliaj ka filluar një beteje të fortë me Ministrin e Brendshëm Saimir Tahiri, betejë e cila ka përcarë edhe PS-në në bazë, në mbështetës të Tahirit dhe Veliajt.

Kryebashkiaku ka zgjedhur një mënyrë direktë për të treguar se PS-ja është e tija në të ardhmen, për këtë ai ska kursyer as kryeministrin Edi Rama.

Në një lajm të shpërndarë dje nga zyra e shtypit në Bashkinë e Tiranës dhe publikuar në mediat kryesore në vend, Veliaj thotë se po Tirana nuk i ka parë këto punime në ujësjëllës në 20 vite.

Kryebashkiaku duket i qartë dhe shigjetues ndaj shefit të tij në qeveri. Ai nuk ndalet dhe përballë Ramës. Sulmi i menduar dhe i qëllimshëm fillon me faktin se Bashkia e Tiranës është drejtuar për 11 vjet nga Edi Rama, nga vitet 90 e në vazhdim apo edhe nga 2015 e pas, në 20 vite Edi Rama ka qenë më shumë se gjysmen e kohës në krye të Bashkisë Tiranë dhe në rast se ka një përgjegjës pse nuk është punuar për ujësjëllësin ai është Edi Rama me 3 mandate në drejtimin e kryeqytetit.

Veliaj nuk e kursen Edi Ramën, ai e godet direkt për të treguar se ai është më punëtor dhe më i sukseshëm se kryeministri i vendit, kur drejtonte Tiranën.

Kryetari i Bashkisë në detyrë në sulmin e tij kërkon tju tregojë socialistëve se ai është i fortë dhe mund të sulmojë kë të dojë. Nuk bën përjashtim as Edi Rama, të cilit i mohon publikisht punën e 11 vjet në drejtimin e Tiranës, Rama është edhe njeriu që mund të përzgjedhë trashëgimtarin e tij në krye të PS-së. Veliaj është gati të tregojë se do sulmojë këto që mund ta pengojë në ambicjen e tij politike, qoftë ky edhe Edi Rama i cili mund të përzgjedhë dhe mbështesë Saimir Tahirin.

Erion Veliaj e di mjaft mirë se për të marë drejtimin e PS-së ai duhet të presë kokën e ?mbretit? dhe sulmin e filloi të shtunën për të mos e ndalur deri sa ta thërasin atë ?mbret?. Por Veliaj ka përballë një rival të fortë dhe jo pa peshë në Partinë Socialiste, sic është Saimir Tahiri i cili ka mbledhur rreth vetës socialistët tradicionale, ndërsa Veliaj ka pas vetëm ish-mbështetësit e G99 dhe sektin e Soros në PS. /Citynews