web counter
LEXO PA REKLAMA!

SHKARKO APP

App Store
Google Play

Konventa e LSI-së/ Meta: Të punojmë për zhvillimin konkret ekonomik

4 Dhjetor 2016, 14:20, Aktualitet CNA

Kreu i LSI, në përfundim të mbledhjes së Asamblesë Kombëtare Zgjedhore të kësaj partie, tha se duhet të punohet më shumë për një Shqipëri evropiane dhe se Konventa kontribuoi për këtë.
Meta ka theksuar se prioritet duhet të mbetet zhvillimi ekonomik i vendit, duke investuar sipas tij jo vetëm nga pikëpamja mediatike në sektorë të caktuar por financiarisht.

“Ju ftoj të punojmë për një Shqipëri akoma më evropiane, e cila mund të bëhet e tillë duke patur një LSI edhe më evropiane dhe unë mendoj që kjo konventë kontribuoi dhe ndihmoi për një LSI shumë më cilësore për të ardhmen, për një LSI që do të ndihmojë për forcimin e institucioneve demokratike në vend, për një LSI që do të ndihmojë për një zhvillim ekonomik më të qëndrueshëm dhe më transparente dhe më të prekshëm për çdo qytetar.
Për një orientim më të qartë të politikave ekonomike, duke iu dhënë prioritetin e duhur jo vetëm mediatik, por edhe buxhetor sektorëve më të rëndësishëm për rritjen ekonomike të vendit, bujqësisë, turizmit, duke rritur cilësinë e sistemit arsimor dhe duke u thelluar shumë më tepër për arsimin profesional”, tha Meta në fjalën e tij./ Citynews





Lajmet e fundit nga