web counter
LEXO PA REKLAMA!

SHKARKO APP

App Store
Google Play

Konventa e LSI/ Vasili: Thelbi politik i Konventës, politika që shikon përtej interesit të ditës

4 Dhjetor 2016, 11:48, Aktualitet CNA

Kreu i grupit parlamentar të LSI-së, Petrit Vasili tha se procesi i votimit në Konventën Kombëtare të partisë ka vijuar përgjatë gjithë natës.

Ai deklaroi se mbështetësit janë të motivuar, ndërsa nënvizoi se thelbi politik i Konventës ishte ajo që prezantoi kreu i Partisë, Meta që ka të bëjë me një politikë që shikon përtej interesit të ditës.

“Besoj ka qenë një proces i veçantë pasi ka vazhduar non stop. Unë kam votuar rreth 01 të mëngjesit, po kështu edhe kreu i LSI-së, zt.Meta, etj. Ka qenë një proces që ka vazhduar edhe gjatë natës, duke lënë të kuptojë se intensiteti i punës këtu është shumë i lartë.
Njerëzit janë shumë të motivuar dhe besoj Konventa ishte një shembull se si motivimi politik dhe i ideve mund të mbajë ritme të larta përfshirë këtu edhe procesin delikat të votimit. Besoj që thelbi politik i Konventës qëndron në atë që dje ishte në sintezën që zt.Meta bëri për një vizion dhe një politikë me qasje mendjehapur, një politikë që shikon përtej interesit të ditës, një politikë që vë interesin e qytetarit të parin”, tha Meta./ Citynews





Lajmet e fundit nga