web counter
LEXO PA REKLAMA!

SHKARKO APP

App Store
Google Play

E fundit!

x

Konventa Zgjedhore/ Luan Rama: LSI në pushtet për të frenuar abuzivizmin qeverisës

3 Dhjetor 2016, 20:36, Aktualitet CNA

Lëvizja Socialiste për Integrim po vazhdon Konventën e saj, e cila nisi punimet paraditen e kësaj të shtune. Aktualisht po votohet për të zgjedhur krerët e strukturave të kësaj partie. Gjatë fjalës së tij Luan Rama, Sekretari i Përgjithshëm në detyrë i LSI-së, tha se kjo parti është rritur, sepse ajo është në pushtet për të frenuar arrogancën dhe abuzivizmin qeverisës.

?Shumëkush pyet se ku qëndron forca e rritjes së LSI-së. LSI është rritur, sepse solidariteti është vlerë e saj dhe jo slogan. LSI është rritur, sepse ajo është në pushtet për të frenuar arrogancën dhe abuzivizmin qeverisës e për të garantuar një qeverisje më të mirë. LSI është rritur, sepse është e vetmja fuqi politike që mbron antifashizmin si një fitore historike që i dha nder popullit shqiptar në një epokë të madhe, por edhe si një vlerat themelore e morale të njerëzimit në shekullin e 20-të.

LSI është rritur sepse me votën, aleancat dhe opozicionin e vet ka zbutur rrjedhimet ligjore, që prekin njerëzit që rrojnë me punë dhe me nder.

LSI ka negociuar me partitë politike konkurruese në jetën politike të vendit përsa u takon interesave kombëtare dhe reformave fondamentale të lidhura me to, por nuk ka negociuar përsa u takon interesave të shtresave që përfaqëson?, u shpreh Luan Rama./Citynews





Lajmet e fundit nga