E fundit!

08:32 Kosova & Bota

Pse Evropa Qendrore nuk është e përgatitur për valën e të nxehtit që po afron?

Një valë e fortë të nxehti pritet të përfshijë Evropën Qen...

Igli Cara: Rama dhe Dako shpërdoruan 15 milionë dollarë për palma dhe fasada

3 Dhjetor 2016, 14:36, Aktualitet CNA

Deputeti demokrat i Qarkut të Durrësit, Igli Cara, ka akuzuar kryeministrin Edi Rama dhe krybashkiakun e Durrësit, Vangjush Dako.

Përmes një postimi në rrjetet sociale, Cara thekson se në 3 vite, buxheti i i akorduar Bashkisë Durrës ka shkuar për palma dhe fasada.

Sipas tij, të gjithë këto shpenzime kapin vlerën e mbi 15 milionë dollarë të çuara dëm. Ai i kërkon kolegëve të majtë të reagojnë për këto investime të kota, kur në fakt, këto shifra mund të kishin shkruar për nevojat e qytetarëve si impiantit i plehrave në Porto Romano, apartamente për të pastrehët, kanalizime për të shmangur përmbytjet në Durrës apo edhe rikonstruksioni i shkollave dhe kopshteve.

Në fund, deputeti demokrat kujton edhe bibliotekën e Durrësit, për të cilën shprehet se Dako ka 10 vjet që ja premton qytetarëve.

Postimi i Parid Carës

?Më duket e frikshme heshtja apo ndroja e qytetarëve për të reaguar kundrejt gjithë abuzimit që Rama e Vangjush Dako bëjne me paratë e taksapaguesve durrsakë.
Rilindja urbane ka bërë që në këto 3 vjet i gjithë buxheti i akorduar bashkisë së Durrësit të shkojë në zbukurime e lyerje fasadash, qëndra me palma, gurë e shatërvanë, veliera betoni , bulevardi, sfinksi ,zbukurimi i rruges plazhit bërë tre herë, …
e të gjitha këto nuk janë pak para, po janë mbi 15 milion dollarë.
E kuptoj që cfarë unë e kolegë të opozitës kemi thënë nuk mund të degjohej nga Rama&Dako, por si nuk del një i majtë i mencur e kurajoz që t?i shpjegojë që këto para mund të ishin harxhuar ndryshe për nevojat e durrsakeve.: si psh;
e para, që në Porto Romano mos të vashdojnë të digjen plehrat e të ishte ndërtuar një impjant ;
së dyti, të ishin ndërtuar rreth 1000 apartamente për të pastrehët;
së treti, të investohej në kanalizme që Durrësi të mos përmbytej,
së katërti, të bëhej rikonstruksioni i shkollave, kopshtëve dhe çerdheve e të ngrihej sistemi ngrohjes në to; qender shëndetësore e për të vazhduar me zgjidhjen e problemeve të qarkullimit në qytet,
etj etj.. mund te rendisim shume investime te domosdoshme si keto…

Se harrova ,po bibliotekën që Vangjushi ka 10 vjet që ja premton qytetarëve a mund t?ia kujtojë njeri ?