E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Kauzat e pashpresa të Bashës

3 Dhjetor 2016, 10:50, Aktualitet CNA

Kreu i Partisë Demokratike Lulzim Basha, po përpiqet kohët e fundit të krijojë disa kauza. Kjo për të thithur pas vetes sa më shumë aleatë dhe për të ndërtuar një koalicion të fortë opozitar. Një lëvizje politike që Bashës i duhet në momentin kur PD, ndoshta është edhe më ulët se sa kuotat e vitit 2013.

Le ti kthehemi fakteve dhe të analizojmë tezat e përdorura së fundmi nga kryetari demokrat Basha dhe zhvillimet që kanë ndodhur. Kreu i PD foli për një koalicion të madh kundër mbjelljes së kanabisit dhe ftoi të gjitha forcat politike të bëheshin palë për një betejë kombëtare. Në fakt kjo mbeti vetëm fjalë, askush nuk iu bashkua Bashës, thjesht dhe vetëm bëri artikulimin e radhës për të perfituar nga opinionini publik.

Basha, pasi e pa se nuk po i shkonte kush nga pas, u impostua në një tjetër kauzë, atë të zgjedhjeve të lira, të cilën sërish po e artikulon duke kërkuar një koalicion të gjerë, por përsëri nuk duket të ndiqet nga pas prej ndonjë force politike apo të ketë hapa konkretë. Edhe në rastin e dytë ka mbetur në kuadirin e fjalëve.

Dy veprime dhe lëvizje që tregojnë fatkeqësisht atë që është thënë shpesh, se kreu demokrat Basha ka vetëm artikulim dhe asnjë punë konkrete. Ai mbetet në kuadrin e fjalëve, pa ecur më tej.

Ai kërkon të kthehet në lider, të ndërtojë kauza dhe ti drejtojë ato, por mesa duket as partitë e reja që në zgjedhje do të testohen për herë të parë si LIBRA e Blushit dhe Sfida e Gjergj Bojaxhi nuk po i shkojnë nga pas për tu mbledhur në një koalicion qoftë kundër drogës dhe zgjedhjeve. Ish-presidenti demokrat Bamir Topi është një tjetër faktor që nuk i është bashkuar, apo partia aleate në ish-qeverisje si çamët e PDIU-së.

Retorika politike po vlen thjesht për ekrane televizive dhe asgjë konkrete nuk po zhvillohet, qoftë një tentativë për të mbledhur një tryezë, por thjesht dhe vetëm fjalë dhe takime me strukturat e partisë apo lajme që dalin nga studio televizive./citynews