web counter
LEXO PA REKLAMA!

SHKARKO APP

Austria shkon në zgjedhje presidenciale për herë të dytë brenda vitit

4 Dhjetor 2016, 12:20, Aktualitet CNA

Qytetarët austriakë u janë drejtuar sot qendrave të votimit për herë të dytë brenda gjashtë muajve, për të zgjedhur Presidentin e ardhshëm të vendit. Kjo pasi rezultati i parë në muajin Maj u shpall i pavlefshëm nga Gjykata Kushtetuese.

Në garë janë kandidati i ekstremit të djathtë, Norbert Hofer, kundrejt kandidatit të Partisë së Gjelbër, Alexander Van der Bellen.

Në garën e 22 majit, Hofer arriti të fitojë me një rezultat tepër të ngushtë kundrejt rivalit të tij Van der Bellen, duke grumbulluar 50.35% të votave. Megjithatë, rezultati u shpall i pavlefshëm pas ankimimit në Gjykatën Kushtetuese.
Bellen pretendoi se votimi nuk kishte qenë brenda standardeve duke qenë se votat e nisura me postë nga shtetasit austriakë që jetojnë jashtë vendit ishin numëruar dhe rezultati u ishte komunikuar mediave. Për këtë arsye, Gjykata vendosi një datë të dytë për mbajtjen e zgjedhjeve./ Citynews





Lajmet e fundit nga