web counter
LEXO PA REKLAMA!

SHKARKO APP

App Store
Google Play

E fundit!

x

Rama inspektim në mbikalimin e Unazës së Madhe/ Do gjejm zgjidhje dhe për “Zogun e Zi”

2 Dhjetor 2016, 14:54, Aktualitet CNA

Kryeministri Edi Rama ka inspektuar sot mbikalimin në kryqëzimin e ?Rrugës së Kavajës? me Unazën e Re.

Ai ka deklaruar se shumë shpejt do të gjendet një zgjidhje edhe për ?Zogun e Zi? dhe sheshin ?Shqiponja?.

Rama nuk ka specifikuar se çfarë ka ndërmend me gjetjen e një zgjidhjeje, por ka pranuar se ajo është në planet e afërta.

Kreu i qeverisë, theksoi se kantieri i ndërtimit në të cilin ishte për inspektim, ishte një nga projektet e bllokuara të Tiranës, njësoj si bulevardi, edhe ky për shkak të zvarritjeve dhe mungesës së një organizimi minimal në Bashkinë e Tiranës.

?Do vazhdojmë me financimin e anës tjetër, për të lidhur pjesën lart të Farkës dhe të Bregu të Lumit. Fatkeqësisht, ajo që ndodhi me ?Zogun e Zi? disa vite më parë, sot faktikisht është kthyer në një kosto shumë të madhe për qytetarët, sepse në atë nyje duhet ndërhyrë patjetër, siç duhet tentuar një rimodifikim në nyjën tjetër te ?Shqiponja?. Janë vepra që, nëse do i kishim bërë me radhë e në kohën e duhur, e nuk do na kishin dalë pengesat komplet barbare që na dolën, sot do ishim në kushte të tjera. Por rëndësi ka të përfundojë kjo pjesë dhe pastaj me siguri do gjejmë një zgjidhje dhe për ?Zogun e Zi?, edhe për ?Shqiponjën?. Ndërkohë që përfundimi edhe i Bulevardit të Ri, edhe i Sheshit ?Skënderbej?, edhe i kësaj vepre e vendosin në një bazë tjetër platformën e zhvillimit të infrastrukturës së Tiranës,? tha Rama.

Gjatë vizitës Rama shoqërohej nga ministri i Transportit dhe Infrastrukturës, Sokol Dervishaj dhe kryetari i Bashkisë së Tiranës, Erion Veliaj./ Citynews





Lajmet e fundit nga