web counter
LEXO PA REKLAMA!

SHKARKO APP

App Store
Google Play

E fundit!

x

Basha jo koalicion, por qeveri me Metën

2 Dhjetor 2016, 13:55, Aktualitet CNA

Kreu i PD-së Lulzim Basha dje në emisionin Opinion, i është përgjigjur prerazi dhe qartë një koalicioni të mundshëm në zgjedhjet e ardhshme, me LSI-në e Metës. Basha tha se PD nuk do të bënte koalicion me Metën edhe nëse ky i fundit dilte nga Qeveria. Por në asnjë rast kreu demokrat nuk mohoi qeverisjen me Ilir Metën. Basha u përpoq gjithashtu të shuante zërat mediatikë për negociata apo marrëveshje në tavolinë mes PD dhe LSI për çështje të ndryshme që kanë të bëjnë me qeverisjen e vendit, apo marrëveshje midis palëve për të tentuar destabilitetin e qeverisë. Kreu demokrat në asnjë rast nuk tha se PD nuk do të qeveriste me LSI-në, por thjesht theksoi se nuk do të dilte në koalicion me Ilir Metën.

Ajo që ka dëmtuar PD në fakt, në zgjedhjet e vitit 2013, nuk ishte koalicioni me LSI-në, por qeverisja me LSI-në. Basha duke bërë llogaritë e numrave thekson se nuk do të ketë koalicion paraelektoral me LSI-në, i cili në fakt do t?i jepte më pak vota të dyja palëve.

Kreu demokrat prej disa muajsh, që pas skandalit CEZ-DIA nuk foli dhe nuk sulmoi më Ilir Metën, dhe shpesh herë linte derën hapur për një koalicion të mundshëm. Për më tepër shpresë ka pasur në negociata apo qëndrime thuajse të njëjta mes demokratëve dhe LSI-së. Dje në Opinion, Basha nuk tha asgjë të re, ai thjesht përsëriti gjithçka ka thënë më parë. Nuk do të ketë koalicion elektoral me LSI-në, por nuk mohoi qeverisjen nesër me Ilir Metën./ Citynews





Lajmet e fundit nga