web counter
LEXO PA REKLAMA!

SHKARKO APP

App Store
Google Play

Diskutohet ligji për Dhomën e Tregtisë/ Spaho: Klima e biznesit, mbytëse

2 Dhjetor 2016, 10:23, Aktualitet CNA

Shoqatat e biznesit u takuan sot me grupin parlamentar të Partisë Demokratike për të diskutuar mbi ligjin për Dhomën e Tregtisë. Ky ligj detyron të gjitha bizneset, të mëdha apo të vogla, që të anëtarësohen në Dhomën Publike të Tregtisë.

Në një prononcim për mediat, pas takimit, nënkryetari i PD-së Edmond Spaho, tha se klima e biznesit në vend është mbytëse, duke shtuar se ka represion nga organet tatimore e doganore.

?Rritje e pashpjegueshme e barrës fiskale vit për vit, që vlerësohet rreth 400 milionë dollarë. Ne i shpjeguam bizneseve se do të mbajmë premtimin e taksës së sheshtë dhe TVSh-së 15%. I shprehëm përfaqësuesve të botës së biznesit se për sugjerime të tjera të na i paraqesin dhe do të përpiqemi të ndërrojmë klimën ndaj biznesit, pasi biznesi është faktori numër 1 për hapjen e vendeve të punës?, deklaroi Spaho.

Një nga përfaqësuesit e biznesit, theksoi se ata  kundërshtojnë anëtarësimin e detyrueshëm, pasi sipas tij është një ligj antikushtetues dhe që nuk i ka përfshirë bizneset.

?Nuk detyrohet dot biznesi që të jetë anëtar i një dhome ku nuk merr asnjë shërbim dhe ku nuk përfaqësohet?, tha përfaqësuesi i biznesit.

Ligji detyron të gjitha bizneset, të mëdha apo të vogla, që të anëtarësohen në Dhomën Publike të Tregtisë dhe është nismë e Ministrisë së Ekonomisë dhe mbështetet nga Dhoma e Tregtisë dhe Industrisë./ Citynews





Lajmet e fundit nga