web counter
LEXO PA REKLAMA!

SHKARKO APP

App Store
Google Play

Nga Klodian Tomorri/ Evazion fiskal apo pastrim parash?

1 Dhjetor 2016, 20:07, Aktualitet CNA

Ajo qe po ndodh me koncesionet ne Shqiperi eshte shume e dyshimte. Te gjitha po kalojne neper te njejten skeme. Fitohen kontrata qindra milione euro te garantuara me ligj dhe pastaj shiten per shuma qesharake.

Koncesioni i skanimit te doganave, nje kontrate me vlere te pakten 200 milione euro, u shit per 4 mije e 500 leke te vjetra. Koncesioni i hemodializes, i cili ka nje fitim 120 milione euro, te garantuara drejteperdrejte nga buxheti i shtetit, shitet per 30 milione leke.

Cila eshte llogjika ekonomike pas ketyre transkasioneve? Si mundet dikush te heqe dore nga nje e ardhur e sigurte prej qindra milione eurosh kundrejt 5 mije lekeve te vjetra?

Ne cdo vend normal transaksione te ketij lloji duhet te alarmonin te gjitha agjencite e inteligjences dhe krimit ekonomik. Sepse manovra te tilla financiare perdoren vetem ne dy raste; shmangie taksash ose pastrim parash. Por ka dhe nje opsion te trete. Kanalizim rryshfeti.

Nje zyrtar i maxhorances, i cili publikisht indinjohet shume nga korrupsioni dhe padrejtesite kerkoi hetim per nderrimin e pronesise se koncesionit te doganave. Shpresoj qe do kete te njejtin zell te kerkoje hetim edhe per kete transaksionin e ri. Ose te pakten te kerkoj ndonje seance degjimore ne Parlament.

Minimalisht komisioni pergjegjes per buxhetin duhet te dije sa taksa ka fituar shteti nga ky transaksioni i fundit.





Lajmet e fundit nga