E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Takimi Rama-Merkel/ Bushati: Konfirmim për progresin, PD të dëshmojë mbështetjen me veprime

28 Nëntor 2016, 16:49, Aktualitet CNA

Ministri i Jashtëm Ditmir Bushati, ka komentuar sot takimin Rama-Merkel. Përmes një postimi në rrjetet sociale, Bushati shprehet se ky takim konfirmoi progresin e Shqipërisë në procesin e anëtarësimit në BE.

Sipas tij, puna për përmbushjen e 5 prioriteteve, kërkesë e përsëritur edhe sot nga kancelarja Angela Merkel, duhet të vijojë me ritëm të pandërprerë.

?Takimi në Berlin mes Kancelares Angela Merkel dhe Kryeministrit Edi Rama konfirmoi progresin e qenësishëm që ka bërë vendi ynë në rrugën e vështirë të reformave demokratizuese dhe procesit të anëtarësimit në Bashkimin Europian.

Siç konfirmon Raporti i Komisionit Europian shoqëruar me rekomandimin për çeljen e bisedimeve për anëtarësim, zbatimi i menjëhershëm i ligjit të vettingut mbetet thelbësor për uljen në tryezën e bisedimeve. Ndërkohë që puna e nisur me përmbushjen e 5prioriteteve kyçe dhe prirja pozitive e tre viteve të fundit konfirmuar në vlerësimet e Komisionit Europian duhet të vijojë me ritëm të pandërprerë.?, shkruan Bushati

Më tej, ministri i Jashtëm i bën thirrje Partisë Demokratike të dëshmojë mbështetjen për këtë proces me veprime dhe jo me fjalë boshe. Ai i kërkon opozitës të zhbllokojë ligjin e vettingut, duke mos u bërë njësh me sindikatën e drejtësisë. Si shprehet se ky moment është test për politikën shqiptare.

?|Tanimë shpresoj që për këdo të jetë e qartë ecuria, metodologjia, kriteret, pritshmëritë dhe kushtëzimet demokratike të këtij procesi, përfshirë edhe Partinë Demokratike. E cila mund ta dëshmojë mbështetjen e kontributin për këtë proces përmes veprimesh konkrete e jo fjalësh boshe. Duke ndaluar fletë-rrufetë që ushqejnë lloj lloj të pavërtetash nëpër kryeqytetet kryesore të Europës. Duke zhbllokuar ligjin e vettingut. Duke u përfshirë në një proces të njëmendtë për zbatimin e arkitekturës së re në drejtësi. Duke mos u bërë njësh kësisoj me sindikatën e drejtësisë.

Ky moment është gjithashtu test për pjekurinë tonë politike. Për të ndarë një herë e mirë interesin meskin nga objektivi kombëtar dhe aspirata e përbashkët europiane.?, përfundon Bushati