web counter
LEXO PA REKLAMA!

SHKARKO APP

App Store
Google Play

E fundit!

x

Takimi Rama-Merkel/ Blushi: 28 nëntor i hidhur, Rama kërkon Europën me barcaleta

28 Nëntor 2016, 16:31, Aktualitet CNA

Ish-deputeti socialist, Ben Blushi, ka komentuar sot takimin Rama-Merkel, ku në fokus ishte integrimi i Shqipërisë dhe 5 zbatimi i 5 prioriteteve për të çelur negociatat.

Përmes një postim në rrjetet sociale, Blushi shkruan se kryeministri Edi Rama, duhet të mbajë përgjegjësi për këto 3 vite që kërkoi të integronte Shqipërinë me barcaleta bajate. Sipas tij, në takimin e sotëm me Merkel, Rama nxinte dhe dukej si nxënës i paaftë që ska bërë detyrat dhe është kapur me kopje në provim. Ai shprehet se kemi 500 vjet që jemi nisur dhe nuk po e arrijmë dot.

Postimi i Blushit

Nuk kam parë dhe ndoshta nuk do shoh më një Kryeministër më te mërzitur në Ditën e Pavarësisë së vendit të vet. Me sa duket pesha e kriminalizimit të politikës, kanabizimit masiv, mungesës së reformave të qëndrueshme dhe dyshimi tek zgjedhjet e ardhshme po e vështirësojnë ëndrrën europiane të Shqipërisë. Kancelarja e Gjermanisë ishte e qartë, Kryeministri i Shqiperisë nxinte. Dukej si një nxënës i paaftë që ska bërë detyrat dhe është kapur me kopje në provim. Ka ardhur koha të mbajë përgjegjësi që për tre vjet kërkoi të na cojë në Europë jo me punë, por me barcaleta bajate! Sa e hidhur kur ndodh në 28 nëntor! Kemi 500 vjet që jemi nisur dhe s’po arrijmë dot!

 





Lajmet e fundit nga