E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Kush e pengon integrimin/ Laura, Basha apo gjermani i fundit?

28 Nëntor 2016, 12:14, Aktualitet CNA

Kryeministri i vendit Edi Rama dje akuzoi nga Gjermania deputetin gjerman, Gunther Krichbaum, pjesë e grupit parlamentar të CDU/CSU dhe njëkohësisht kryetar i komisionit për çështjet europiane në Bundestag, duke thënë se ishte përdorur nga PD-ja në qëndrimet e tij, forcë politike sipas tij, e cila ka bllokuar integrimin e vendit për shkak të pengesave që ka nxjerrë për ligjin e Vettingut.

Dy ditë më parë mediat e tij të kazanit na thanë se deputeti i CDU/CSU kishte folur me atë gjuhë për shkak të një trajnimi që kishte zhvilluar Laura Vorpsi në Gjermani, pranë CDU-së, dhe miqësisë së tij me Bashën. Le ta pranojmë, përtej besimit tonë, se Laura ishte kaq e zonja sa të sillte një përfaqësues të atij niveli të fliste kundër një shteti. Le ta pranojmë interpretimin e mediave të kazanit të qeverisë se e pagoi Basha të fliste si ai. Por a është kjo e vërteta?

Parlamentari gjerman ishte një zë, që ?shpërtheu? në Tiranë dhe do të ishte i tillë, dhe gjithçka thamë më sipër do ta pranonim, nëse do të ishte i vetëm. Pra, një zë i vetëm në shkretëtirë.

Fatkeqësisht për Shqipërinë, e vërteta është krejt ndryshe. Deputeti i CDU/CSU-së nuk është një zë i vetmuar, nuk është zëri i Laurës, nuk është miku i Lulit dhe këtë e vërtetojnë qëndrimet e njëpasnjëshme të personaliteteve të larta të shteteve anëtare të Bashkimit Europian.

Dje foli presidenti gjerman Joachim Gauck, ministri i jashtëm grek Nikos Kotzias dhe deputeti austriak, Michael Hammer. E përditshmja ?Sot? citon eurodeputetë të Holandës, përfaqësues të qeverive të Bullgarisë dhe Rumanisë, të cilët kanë qëndrim kundër hapjes së negociatave me Shqipërinë. Vallë të gjithë flasin me zërin e Laurës dhe janë miqtë e Lulit?!

Presidenti gjerman, Joachim Gauck, u shpreh në një intervistë për ?Die Welt? se, ?BE-ja duhet të ndalet dhe të mos zgjerohet momentalisht?.

Deputeti i CDU/CSU, Gunther Krichbaum, u shpreh pak ditë më parë në Tiranë se, ?Grupi parlamentar i CSU/CDU i partisë së kancelares Merkel do t?i kërkojë qeverisë gjermane që të mos hapë negociatat me Shqipërinë në dhjetor dhe ka 7 pika si kushte themelore për qeverinë.?

Ministri i jashtëm grek, Nikos Kotzias: ?Do të kërkohet luftimi i krimit të organizuar dhe droga, do të përfshihet nevoja e reformës administrative dhe veçanërisht reformimi i sistemit gjyqësor. Në konkluzionet e samitit do të përfshihet edhe detyrimi që të mos preket e drejta mbi pronën e minoritetit grek në Shqipëri?.

Deputeti austriak Michael Hammer, pjesë e PPA, njëkohësisht kryetar i shoqatës parlamentare të miqësisë Austri-Shqipëri: ?Në rrugën drejt Bashkimit Europian duhen bërë plot gjëra sidomos zbatimi i reformës në drejtësi dhe me çështjet e lirisë së medias. Para së gjithash në fushën e luftës kundër kriminalitetit, rastet e shumta të kultivimit të drogës, të kultivimit të paligjshëm të hashashit, janë një problem i madh?.

Eurodeputetët e Holandës: ?Nuk mund të futet në BE vendi që cilësohet si ?Kolumbi e Evropës?.

Për të treguar se e vërteta nuk është ajo që pretendon Edi Rama dhe kabineti i Rilindjes por një realitet krejt tjetër në institucionet europiane, deklaratat e personaliteteve të mësipërm nuk beson askush, dhe vetë Edi Rama, se i sjell Laura apo janë miqtë e Lulit. /Citynews