web counter
LEXO PA REKLAMA!

SHKARKO APP

App Store
Google Play

E fundit!

x

Drogë dhe shkelje e rregullave të qarkullimit rrugor/ 3 të arrestuar në Vlorë

28 Nëntor 2016, 09:07, Aktualitet CNA

Tre të arrestuar në Vlorë për kryerjen e veprave të ndryshme penale.

Sipas njoftimit të policisë së qytetit bregdetar, në pranga ka rënë Kreshnik Shala, 41 vjeç, banues në Shkodër.

Gjatë ndjekjes së këtij mjeti, Policia ka bërë të mundur bllokimin e tij në rrugën e lagjes së Partizanit, pranë Spitalit Rajonal, tip “Suzuki-Ingis” me targë LAD 595, me drejtues shtetasin e mësipërm. Nga kontrolli i ushtruar brenda në automjet, Policia ka gjetur një sasi me lëndë narkotike me peshë prej 2 kg e 600 gr, të llojit Cannabis Sattiva, e ndarë në 3 qeska plastike, fshehur në sedilen e pasme të mjetit, e cila u sekuestrua në cilësinë e provës materiale.

Ndërkohë që policia ka arrestuar në flagrancë për “Shkeljen e rregullave të qarkullimit rrugor”, shtetasin me iniciale E.H, 25 vjeç, banues në Ballsh.

Arrestimi i tij u bë për arsye se më datë 27.11.2016, rreth orës 17:15, duke drejtuar automjetin tip “Golf” me targë AA 195 MR, në rrugën “Transballkanike” ka aksidentuar shtetasin A.D., 70 vjeç, i cili u dërgua në Tiranë për mjekim më të specializuar.

Gjithashtu policia ka arrestuar në flagrancë për “Drejtimin e automjetit në mënyrë të parregullt”, shtetasin me iniciale M.A, 62 vjeç, banues në Vlorë.

Arrestimi i tij u bë pasi më datë 27.11.2016, rreth orës 23:00, është kapur në flagrancë në lagjen “Ujë i ftohtë” duke drejtuar automjetin tip “Honda”, pa targë dhe pa dokumentacion përkatës si dhe nën efektin e pijeve alkoolike. /Citynews





Lajmet e fundit nga