web counter
LEXO PA REKLAMA!

SHKARKO APP

App Store
Google Play

E fundit!

x

Takimi Rama-Merkel/ Basha: PD e vendosur për zbatimin e reformës në drejtësi

28 Nëntor 2016, 16:02, Aktualitet CNA

Kryetari i Partisë Demokratike, Lulzim Basha, ka reaguar pas takimit të kryeministrit Edi Rama dhe Kancelares gjermane Angela Merkel, e cila vuri theksin tek zbatimi i 5 prioriteteve për ti hapur rrugë çeljes së negociatave. Një nga prioritetet më të rëndësishme të kërkuara nga Merkel është zbatimi i reformës në drejtësi.

Përmes një postimi në rrjetet sociale, Basha shkruan se PD është e vendosur për të siguruar zgjedhjet të lira dhe të ndershme si dhe zbatimin e reformës në drejtësi. Basha shprehet se Shqiëpria është me fat që ka mbështetjen e Gjermanisë në përparimin dhe integrimin europian.

Më poshtë, postimi i Bashës

Shqipëria është me fat që ka mbështetjen e Gjermanisë në përpjekjet e saj për përparim dhe integrim europian. Ne i jemi veçanërisht mirënjohës Kancelares Merkel për mirëkuptimin dhe mbështetjen e saj të vazhdueshme ndaj Shqipërisë.
Dua ta siguroj Kancelaren dhe popullin gjerman se shqiptarët janë të vendosur të përqafojnë të gjitha vlerat europiane dhe të ndërtojnë një shoqëri të denjë për të gjithë, duke luftuar krimin, drogën, korrupsionin dhe duke e çliruar politikën prej tyre.
Partia Demokratike dhe unë do të marrim përgjegjësinë tonë në gjendjen ku ndodhet vendi, veçanërisht për te siguruar zgjedhje te lira dhe te ndershme dhe zbatimin sa më parë të reformës në drejtësi.





Lajmet e fundit nga