web counter
LEXO PA REKLAMA!

SHKARKO APP

App Store
Google Play

Droga drejt Italisë/ Ja rrugët detare nga trafikantët “sulmojnë” shtetin fqinj

27 Nëntor 2016, 17:40, Aktualitet CNA

Në një shkrim botuar në web-in e Zërit të Amerikës tregohen pjesët e bregdetit shqiptar që shërbejnë si pika nisje për trafikantët e drogës, të cilët kanë si destinacion Italinë.

VOA citon burime nga Policia e Shtetit, të cilat thonë se, pjesa bregdetare nga Dhërmiu në Vlorë, zona e Grykëderdhjes së Vjosës dhe zona e Bishtit të Pallës në Durrës po rikthehen në zona ku trafikantët synojnë të trasportojnë sasi të marijuanës drejt Italisë.

Ndërkohë gjatë pranverës dhe verës zona të tëra në Vlorë u përfshinë nga aktiviteti i kultivimit të marijuanës, shkruan VOA.

Trafiku i narkotikëve nga Shqipëria drejt Italisë po intensifikohet gjithmonë e më tepër. Një ditë më parë policia italiane sekuestroi në Brindisi një sasi prej rreth 1,5 tonë marijuanë që po transportohej me një gomone super të shpejtë nga Shqipëria. Në këtë operacion u arrestuan tre shtetas shqiptarë.

Ndërsa një ditë më parë, Policia e Vlorës bllokoi në zonën bregdetare të Zvërnecit mbi 200 kilogramë marijuanë që dyshohej se do të ngarkohej në gomone për t`u transportuar drejt Italisë. /Citynews

 

 





Lajmet e fundit nga