web counter
LEXO PA REKLAMA!

SHKARKO APP

App Store
Google Play

Aksidenti ku humbi jetën 17-vjeçari/ Policia e Vlorës jep detaje

27 Nëntor 2016, 15:58, Aktualitet CNA

Policia e Vlorës ka dhënë detaje mbi aksidentin fatal të ndodhur mbrëmjen e djeshme në qytetin bregdetar, ku për pasojë humbi jetën një 17-vjeçar.

Sipas policisë, është arrestuar shoferi i makinës, i cili është i plagosur dhe ndodhet në spital, ndërsa do të merren në pyetje edhe drejtues të firmës nënkotraktore.

Njoftimi i Policisë Vlorë:

Më datë 26.11.2016, rreth orës 23:00, në aksin rrugor Ujë i ftohtë – Skelë, automjeti tip “BMV-X6” me targë AA 010 AU, me drejtues shtetasin Petraq Beja, ka humbur kontrollin dhe ka rënë në një gropë në trashenë e rrugës, në të cilën kryheshin punime për rikonstruksionin e rrugës.

Për pasojë, është dëmtuar vetë drejtuesi i mjetit si dhe pasagjeri (i afërmi i tij), shtetasi K.P., 17 vjeç, banues në Vlorë, i cili për shkak të dëmtimeve të rënda në trup ka ndërruar jetë në Spitalin Rajonal.

Në vendngjarje përvec grupit hetimor, ka qenë prezent edhe Prokurori i cili ka marrë drejtimin e hetimeve në lidhje me aksidentin me pasojë vdekjen e një shtetasi.

Nga verifikimet e kryera ka rezultuar se firma fituese e tenderit për rregullimin e rrugës është Firma Greke “INTRAKAT – sh.p.k”, ndërsa ajo që ka marrë përsipër kryerjen e punimeve është firma “XH.E.M – sh.p.k” me president I.Bega dhe administrator Fatmir Merkaj.

Gjithashtu, drejtuesi i mjetit shtetasi Petraq Beja, 21 vjeç, banues në Vlorë, ndodhet në Spitalin Rajonal Vlorë, jashtë rrezikut për jetën, ndaj të cilit Policia ka ngritur një masë arresti për veprën penale “Shkelja e rregullave të qarkullimit rrugor”.

Grupi hetimor përvec hetimeve të tjera për zbulimin e shkaqeve dhe sqarimin e rrethanave të aksidentit, ka thërritur për të marrë në pyetje përfaqësuesit dhe punonjësit e firmës Nën/Kontraktore “XH.E.M – sh.p.k”, e cila kryen punimet për rikonstruksionin e kësaj rruge. /Citynews





Lajmet e fundit nga