CEZ/ Dëshmia e fortë e Romeo Karaj: Sekseri kosovar dhe si u negociua kontrata me çekët

27 Nëntor 2016, 19:50, Aktualitet CNA

Juristi i OSHEE-së, Romeo Kara, njeriu që ka administruar me mijëra dokumente të procesit të privatizimit të kompanisë, ka dhënë një dëshmi të fortë sonte në emisionin ?Exclusive? në Top Channel.

Ai ka folur për sekserin kosovar të lidhur me kompaninë çeke, që ishte në kontakt me qeverinë 4 vite përpara privatizimit.

?Materiali që kam tregon qartë fotografinë me ministrin Ruli, duke qenë se ka shumë të dhëna që dalin të sakta deri te numri i niptit të shoqërisë që zotërohet, në të cilat Kalaj kishte aksione, ishin të sakta. Aty përmendet që Nuel Kalaj në 2006 ka telefonuar mbi 100 herë ish-kryeministrin Berisha. Kjo vlen të konfirmohet nga institucionet apo strukturat?, ka thënë ai.

Në rrëfimin e tij për ?Exclusive?, ai ka hedhur dritë mbi mënyrën se si u negociua kontrata me CEZ, dëmi nga çmimi i shitjes së energjisë mes kompanive të energjisë, rolin e ERE-s dhe si u dëmtua Shqipëria në Gjykatën e Arbitrazhit.

Kush është Romeo Kara:

Në 23 shkurt 2016, ish-juristi i kompanisë ?DIA?, Romeo Kara ka deklaroi para gjykatës se marrëveshja mes kompanisë ku ai punonte dhe CEZ-it ka qenë mashtrim që në momentin e parë të nënshkrimit të saj. Në këtë mënyrë Kara e ka pranuar faktin se ka qenë në dijeni të mashtrimit dhe të faktit se do të vidheshin para, por akuza nuk e ka marrë të pandehur, por duke e bërë bashkëpunëtor, vetëm për të dënuar Ismailajn.

Pas këtyre deklarimeve dhe kërkesës në gjykatë nga ana e OSHEE-së për të marrë shumën prej 8 milionë eurosh nga Kastriot Ismailaj është marrë në mbrojtje si dëshmitar i rëndësishëm.

Sipas Karajt, Ismailaj kërcënonte me jetë Elvis Matajn, me qëllim që ky i fundit të mohonte kategorikisht dërgimin e një email-i ku fliste për partneritetin me kompaninë e huaj. Por nga ana tjetër burimet kanë bërë të ditur se ka qenë pikërisht Kara që ka negociuar me Elvis Matajn që ky të dëshmonte kundër ish-punëdhënësit.

Pas marrëveshjes së bërë me Matajn, Kara më pas e kërcënoi atë, kjo edhe në bazë të denoncimit me video që bëri gazetari Artan Hoxha në emisionin ?Opinion?.

E marrëveshja për të dëshmuar kundër Ismailajt është arritur duke i pushuar çështjen bashkëshortes së tij, Eriselda Brahimllari e cila ishte duke u hetuar nga Prokuroria e Tiranës për mashtrime në shuma të mëdha me skemën e rimbursimit të TVSH-së.

E pikërisht, dëshmia e Elvis Matajt, kundër Ismailajt është dhënë në një kohë kur ndaj gruas së tij ishte zhvillohej një proces penal për skema mashtruese me TVSH dhe edhe ose ajo ishte e pandehur bashkë me disa persona të tjerë, vetëm ndaj saj u pushua çështja penale, kurse personat e tjerë u dënuan. /Citynews