E fundit!

20:54 Aktualitet

FOTO-'Shqipëri e Re'/ Dita e 29-të e protestës me pankarta "pikante"

Mijëra qytetarë u grumbulluan këtë të premte që prej orës ...

Nga Artan Fuga/ Mjerim

21 Nëntor 2016, 23:18, Aktualitet CNA

Sheshi kryesor i Tiranës po bëhet me majucë, ku nuk shihet më andej këndej.
Por, le ta bëjnë si të duan. Përsëri do ta prishin.
Puna është se të gjitha buxhetet shkojnë aty, taksat tona shpërdorohen.
Të gjitha rrugët e Tiranës janë bërë gropa – gropa dhe trotuaret si të kafshuara nga qeni, fasadat e shtëpive i ngjajnë atyre të një qyteti ku ka rënë kolera.
Duhet një orë e gjysëm udhëtil me veturë nga Skënderbeu te Shqiponja me doganë. Aq sa duhet të shkosh nga Tirana në Frankfurt me avion.
Mbikalimi te Qyteti i Nxënësve u bë tërkuzë. Rrugët tmerr dhe pluhur.
Pisllëku e ka përfshirë të gjithë qytetin si asnjëherë tjetër. Nga kazanët e plehrave nga çasti në çast mund të shpërthejë kolera.
Qentë e vaksinuar të Bashkisë zhgërryhen pis rrugëve me veshët e çpuar.
Gjithçka në shkatërrim.
Askush nuk shkon më në orar në punë sepse duhet të kalosh kalvarin e qarkullimit rrugor për të shkuar nga një cep te tjetri i qytetit.
Përtej unazës nis Kandahari, mjerim, pisllëk edhe më i madh, rrugët dhe trotuaret si të bombarduara.
Edhe pemêt e mbjella gjithë shëmti si gardh katundi te parku rinia po thahen. I ka kapur vrugu.
Ku janë një milion pemët që do të mbillnin gënjeshtarët që pasi prishën arsimin e lartë, tani po i vendosin kazmën Tiranës.
Jeta në Tiranë është bërë tmerr.
Parkingjet me pangesë buzë rrugëve kryesorë kanë dendur me vetura rrugët dytësore dhe mes pallateve. Duhet të jesh pilot garash që ta fusën makinën në vrimë të gjelpërës. Vetura të dëmtuara çdo ditë. As ambulancë dhe as zjarrfikëse nuk kalon dot më natën.
Të rrofshin parkingjet e rrugëve me pagesë!
Vizat e rrugëve si mos më keq.
Sonte Tirana e Re ka mbetur pa drita.
Kush administrator nuk meriton domate turinjve, pështymë, salcë, në surrat kur mendon se kombi shqiptar në shekulli e 21 nuk siguron dot drita as për qendrën e kryeqytetit të vet.
Semaforëte Tiranës janë pa drita sot. Shoferët merren vesh në kryqëzim në errësirë. Këmbë polici në to.
Jeta është bërë tmerr.
Nga Tirana në Shkodër mijra tabela qarkullimi sepse rruga ka mbet e pabërë. Në aksin kryesor të kombit të kërkohet edhe me 10 km në orë të ecësh.
Sa një gomar.
Depozitat e ujit nga Katari a Arabia Saudite pis e ndyrësirë mu në mes të qytetit.
Ku është ai pepinua arkitekt që donte të na bëntë pyje të varura në ballkone si urbanizëm futurist?
E si për t’u talluar ca shkurrë aty te rruga para 21 dhejtorit kanë vendosur dritat e vitit të ri. U pikaaaaaa!
Festa e Tiranës as u festua as u kujtua, ato të kombit po vijnë e këtë vit po na gjejnë pocaqi.