web counter
LEXO PA REKLAMA!

SHKARKO APP

App Store
Google Play

E fundit!

x

Duka: Në Çlirim u shpërndanë lekë me tabaka

21 Nëntor 2016, 20:35, Aktualitet CNA

Kreu i PAA, Agron Duka, u shpreh se në Çlirim u shpërndanë lekë me tabaka. SIpas tij mazhoranca e humbi  mundësinë për të dhënë mesazhin se mund të realizojë zgjedhje të lira dhe të ndershme.

I ftuar në Oranews, Duka theksoi se nuk kërkon të justifikojë humbjen, sepse rezultati ishte i thellë, por nëse nuk do veprohej kështu nuk do të ishte ky rezultat.

“Qe mundësia të bëheshin zgjedhje pak më të egra seç jemi mësuar të shohim. Por Rama, këtej i hyri dhe ktej i doli. Gjithë qeveria ishte atje, zëvendës/kryeministri Peleshi ka ndenjur një muaj e kusur në Kolonjë, Ministrat e qeverisë Beqaj, Klosi, Gjiknuri, tre çereku i qeverisë atje. Unë kërkova që protagonizmin ta kisha vetë. Pati dyndje dhe të administratës publike, u dhanë para. Të jepet me tabaka lekë me justifikimin se janë pensione në një nga qendrat e votimit, në fshatin Çlirim. E bllokuam për një farë kohe. Nuk dua të justifikoj humbjen, sepse rezultati ishte i thellë. Por nëse nuk do veprohej kështu nuk do të ishte ky rezultat.Por do të jepej një mesazh pozitiv, që ja mund të bëhen zgjedhje të lira dhe të ndershme në Shqipëri. Ka pasur incidente pa fund.Proçesi u dëmtua. Mendova që dhe Kryeministri nuk do të vinte atje, pse mos të trajtohen si zgjedhje vendore”, tha Duka





Lajmet e fundit nga