web counter
LEXO PA REKLAMA!

SHKARKO APP

App Store
Google Play

E fundit!

x

Samiti i Diasporës/ Bojaxhi: Ide e mirë, nëse do të kishte qenë e sinqertë dhe gjithëpërfshirëse

21 Nëntor 2016, 18:35, Aktualitet CNA

Një nga themeluesit e ?Sfida për Shqipërinë?, Gjergj Bojaxhi, ka komentuar sot Samitin e Diasporës të zhvilluar dy ditë më parë në Tiranë nga kryeministri Edi Rama.

Përmes një postimi në rrjetet sociale, Bojaxhi shkruan se Samiti i Diasporës ishte një ide e mirë, nëse do të kishte qenë e sinqertë dhe përfshirëse për të gjithë shqiptarët.

Sipas tij, ky vizion nuk është i gabuar dhe nuk i respekton shqiptarët. Ai shprehet se shqiptarët meritojnë një shtet serioz, modern e të përgjegjshëm.

Më poshtë, postimi i Bojaxhi

Motoja e samitit ishte: ?Të pandarë për Shqipërinë?. Po për Kosovën? Po shqiptarët e Malit të Zi e të Maqedonisë? Ky vizion me në qendër vetëm Shqipërinë është i gabuar dhe nuk i respekton shqiptarët. Ky nuk është imazhi i duhur për t’u projektuar.

Shqiptarët meritojnë një shtet serioz, modern e të përgjegjshëm. Një shtet që nuk lëshon deklarata që dëmtojnë jetesën e emigrantëve në vendet fqinje. Dhe që më pas i thërret këta njerëz të marrin pjesë në Samit.

Shqiptarët në diasporë dhe ata në vend kërkojnë respekt. Kërkojnë njohje të punës e kontributit të tyre, si dhe të drejtën për të zgjedhur dhe për t?u zgjedhur me demokraci e transparencë.

Shqiptarët duan të drejtën e pronësisë, duan lehtësira financiare dhe forcimin e urave të bashkëpunimit me shtetet ku ata jetojnë. Kjo është sfida që ata kanë ndaj klasës politike. Ky do të ishte trajtim dinjitoz i diasporës dhe i gjithë shqiptarëve. Dhe kjo është e mundur, pa këtë klasë politike.





Lajmet e fundit nga