web counter
LEXO PA REKLAMA!

SHKARKO APP

App Store
Google Play

Shënim/ Dështon me sukses RTSH-ja dhe Thoma Gëllçi

8 Nëntor 2016, 19:31, Aktualitet CNA

Dështimi i radhës ka ardhur sot për Radio Televizionin Publik Shqiptar, i drejtuar nga Thoma Gëllçi. Ky i fundit u zgjodh drejtor me shumë premtime, por mesa duket ato i ka harruar.

Pasi dështoi dhe humbi të drejtat e transmetimit të Euro 2016, pasi dështoi dhe humbi me Champions League dhe Europa League, RTSH-ja dhe Thomai tani dështojnë së bashku me ndeshjet kualifikuese dhe finaleve të  Euro 2020 dhe të Botërorit 2022 si dhe finalet e këtyre kompeticioneve.

Thomai dhe RTSH-ja premtuan shumë, por në realitet ngrehina ka zënë brenda Thoma ziun, i cili më shumë duket se e ka mendjen për tendera se sa ta kthejë median publike në shërbim të qytetarëve, me programe televizive, produksione, sport, show etj etj.

Thomai në krye të RTSH-së nuk ka sjellë asgjë të re, nuk i ka sjellë asgjë publikut. Ai është thjeshtë menaxheri i radhës që premton shumë dhe jep aspak. Është i radhës për dështimet e RTSH-së, të cilat sapo filluan me të drejtat e transmetimit, të cilat ky institucion po i humb, më pas kujtohet të gënjejë shqiptarët pse nuk do të japë ndeshjet eliminatore dhe finaleve të Europianit dhe Botërorit.

Thomai dështoi dje, Thomai dështoi sot, Thomai do të dështojë edhe nesër. Koha tregoi se ai nuk ka shkuar në krye të RTSH-së për ta bërë institucionin më të mirë, por thjeshtë dhe vetëm, ndoshta për të siguruar më të mira për veten. Shqiptarët, sërish sot humbën sepse në krye të medias publike kanë Thoma ziun./citynews





Lajmet e fundit nga