E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Shënim/ Cilën PD ka tradhtuar Majlinda Bregu ?!

8 Nëntor 2016, 17:52, Aktualitet CNA

Sot, një media e përdorur dhe paguar nga aleatë të qeverisë socialiste, por edhe e shpesh e keqpërdorur me apo pa pagesë nga opozita, ka shkruar thashetheme, shpifje dhe gënjeshtra pse një ish-ministre e integrimit, një nga zërat e fortë të opozitës, gjoja për interesat e Ramës po tradhtonte Lulzim Bashën.

Në fakt, qëndrimet e saj, pra të Majlinda Bregut pro kërkesave të SHBA-ve por edhe të Europës, kanë qenë konseguente, megjithë dëshirën e ndonjë kryetari partie për të bërë lojë të pisët kundër ndërkombëtarëve.

Lojë të pista si ajo e sotmja që bënë kalemnxhinjtë për ti shërbyer Lulzim Bashës apo ndoshta të paguar nga segmente të mazhorancës për të dëmtuar opozitën.

Për të kuptuar se çfarë ka ndodhur mjafton të lexojmë dy qëndrimet. Atë që ka shpërndarë zyra e shtypit në PD, pra intervistën e Aldo Bumçit, i cili në një intervistë për News 24 të shpërndarë nga vetë selia Blu thekson se qëndrimi i Majlinda Bregut dhe vota e saj kanë qenë sipas vendimit të grupit dhe pro Partisë Demokratike.

Ky është qëndrimi zyrtar që jepet nga Bumçi, i cili është edhe kryetari i përfaqësuesve të opozitës në takimin e Brukselit. Ritheksojmë se Bumçi ka vlerësuar qëndrimin e Bregut, votën e saj, dhe veprimin si të njëjtë me linjën e PD-së dhe qëndrimet e saj politike.

Por, përballw Bumçit, janw kalemnxhinjtë e mazhorancës apo të keqpërdorur me apo pa pagesë nga opozita, dje apo sot, ata thonë të kundërtën. Kuptohet, ata thonë dhe shkruajnë atë që i kanë urdhëruar.

Por, lind pyetja: Cilën PD ka tradhtuar Majlinda Bregu?

Sepse zyrtarisht, PD e vlerëson qëndrimin e saj si të njëjtë me opozitës, votën si të njëjtë me të opozitës. Pra çdo veprim zyrtar i kryer nga Bregu është njësoj si PD-ja zyrtare, pavarësisht debateve apo qëndrimeve gjatë diskutimeve. PD-ja zyrtare është në rregull me zonjën Bregu. Interesat dhe intrigat jo zyrtare janë kundër saj. Ne dimë që ka një dhe vetëm një PD zyrtare, ajo që edhe ka mbajtur qëndrimin pro zonjës Bregu. Nuk dimë ndonjë PD tjetër. Ndoshta mund të jetë krijuar diku, ndoshta funksionon diku, por nuk është PD-ja e vërtetë dhe jo PD-ja zyrtare. Është intrigë e kalemxhinjve të paguara nga segmente të mazhorancës, herë pas here dhe të opozitës./ Citynews