web counter
LEXO PA REKLAMA!

SHKARKO APP

E fundit!

x

Artan Hoxha konfirmon thirrjen në Prokurori dhe mosdorëzimin e telefonave

8 Nëntor 2016, 14:23, Aktualitet CNA

Gazetari investigativ Artan Hoxha ishte sot në Prokurorinë e Krimeve të Rënda për rreth një orë, i thirrur nga prokurori që ka dosjen e tij, Besim Hajdarmata.

Thirrja e gazetarit Hoxha lidhet me deklaratat e tij publike të bëra më 15 shtator të këtij viti në emisionin Opinion të Blendi Fevziut.

Në një komunikim me Citynews.al, Hoxha konfirmoi thirrjen në Prokurorinë e Krimeve të Rënda dhe mosdorëzimin e telefonave.

Ai tha se është pyetur nga prokurorët dhe I është kërkuar hapja e telefonave gati dy muaj pas sekuestrimit të tyre. Ai theksoi se është vënë në dijeni se telefonat do çohen për ekspertizë nw Laboratorin Shkencor të Policisë së Shtetit.

Në një shkresë dërguar Laboratorit Shkencor të Policisë së Shtetit, Prokuroria e Krimeve të Rënda i kërkon kërkon kësaj të fundit të zbulojë se me cilët persona ka folur dhe shkëmbyer mesazhe Artan Hoxha më  15 shtator. /Citynews





Lajmet e fundit nga