web counter
LEXO PA REKLAMA!

SHKARKO APP

App Store
Google Play

E fundit!

x

Krimet e Rënda nuk i japin gazetarit Artan Hoxha telefonat/ Dërgohen për ekspertizë

8 Nëntor 2016, 13:48, Aktualitet CNA

Gazetari investigativ Artan Hoxha është thirrur sot në mesditë, për të disatën herë rradhazi, nga Prokuroria e Krimeve të Rënda, për tu pyetur në lidhje me deklarimet dhe qëndrimet e tij publike më 15 shtator në Opinion në Tv Klan.

Burime nga Prokuroria e Krimeve të Rënda i thanë Citynews se, Artan Hoxhës i është kërkuar të hapë telefonat e tij dhe të vendosë kodet përkatëse.

Hoxha ka deklaruar se, nuk i mbante mend kodet e dy muajve më parë të dy telefonave të tij celularë.

Duke parë qëndrimin e Hoxhës prokurorët më pas kanë vendosur që pajisjet telefonike të gazetarit të çohen për ekspertizë në Laboratorin Shkencor të Policisë së Shtetit.

Prokuroria e Krimeve të Rënda nuk ka mundur ti hapë telefonat, por ka siguruar vetëm tabulatet nga kompania telefonike.

Të njëjta burime i thanë Citynews se Prokuroria e Krimeve të Rënda në shkresën drejtuar Laboratorit Shkencor të Policisë së Shtetit për eksperzitën e telefonave të gazetarit Artan Hoxha, shkruan: Cilat janë telefonatat dhe mesazhet e gazetarit Artan Hoxha me persona të tjerë më datë 15.09.2016 nga ora 15:00 deri në 24:00.

Mësohet se Krimet e Rënda pasi i kanë treguar dokumentin gazetarit i kanë thënë se ai mund ta apelojë këtë vendim, por në fakt në dokumentin përkatës nuk ka patur emrin e ekspertit, i cili do të bënte çbllokimin e tyre dhe nxjerrjen e të dhënave. Prokurorët kanë sqaruar se eksperti vendoset me short dhe kjo ka qenë arsyeja e mungesës së emrit të tij në dokument.

Burimet i thanë Citynews se, gazetari Artan Hoxha po hetohet në bazë të nenit 225/a të Kodit Penal ?për zbulimin e akteve dhe sekreteve shtetërore?. /Citynews

 





Lajmet e fundit nga