web counter
LEXO PA REKLAMA!

SHKARKO APP

App Store
Google Play

E fundit!

x

Gjekmarkaj pyet Bashën: Çfarë tagri ka Salianji në PD?!

8 Nëntor 2016, 11:00, Aktualitet CNA

Kryetari i Partisë Demokratike Lulzim basha zhvilloi në një prej hoteleve luksoze të Tiranës një takim me intelektualë të vendit, një takim në të cilin munguan emra të njohur të dijes dhe politikës në vend, ish deputetë të PD-së, por morën pjesë individë që kanë një të kaluar të errët në Partinë Demokratike dhe që shpeshherë kanë punuar për rrëzimin e kësaj partie nga pushteti.

Nisur nga kjo, Agron Gjekmarkaj ka shkruar një opinion për gazetën Panorama me titull “Kronikë e një takimi të pazakontë me Lulzim Bashën” ku shpreh pakënaqësitë e tij lidhur me mënyrën e organizimit të takimit dhe emrat e ftuar në të.

Gjekmarkaj ndalet edhe te mungesa e profesorit dhe ish deputetit demokrat Mark Marku në këtë takim. Ky i fundit ishte ftuar nga Sekretari për Aksionin Qytetar në PD Ervin Salianji, për të cilin autori i opinionit nuk e di se çfarë roli apo tagri ka për të bërë të tilla ftesa.

Ja çfarë shkruan në një pjesë të opinionit Agron Gjekmarkaj:

?Alfred Lelës me të drejtë i kishte rënë në sy mungesa e Mark Markut, si njëri prej mendimtarëve konsekuentë të së djathtës. Marku ka qenë deputet i PD-së nga më cilësorët në këndvëshjtrimin intelektual, i njohur për qëndrimet e tij shpesh antikonformiste për mënyrën se si ka funskionuar qeverisja e PD-së dhe strukturat e kësaj partie, por pa i shkelur kurrë syrin kundërshtarit dhe pa pranuar joshjet që nuk i mungonin.

Qarkun i Lezhës e pat pritur me mërmërima pakënaqësie zëvendësimin e tij aspak bindës. Njerëzit e asaj ane janë shumë buzëhollë. Mora vesh që ishte ftuar nga Ervin Salianji për të marrë pjesë në këtë takimin e së premtes, por nuk dihet mirë se çfarë roli a tagri ka ftuesi nga PD për sipërmarrje kësisoj. Mbase në këtë rast atë të lajmësit?. /Citynews

 

 





Lajmet e fundit nga