web counter
LEXO PA REKLAMA!

SHKARKO APP

App Store
Google Play

E fundit!

x

Kaos nga përmbytjet/ Emergjencat Civile: Minimizoni lëvizjet

8 Nëntor 2016, 08:47, Aktualitet CNA

Pas situatës se krijuar për shkak të reshjeve të dendura të shiut, me urdhër te ministrit te Punëve te Brendshme pranë çdo Prefekture janë mbledhur Shtabet e Emergjencave.

Zonat me problematike për momentin janë:

Autostrada Tiranë-Durrës në segmentin kthesa e Kasharit-Vorë është e bllokuar nga vërshimi i ujërave. Aktualisht niveli i ujit në kthesa e Kasharit është 50 centimetra. Policia Rrugore ka ndërhyrë duke evakuuar disa qytetarë të cilët kishin mbetur të bllokuar në makina.

Ndërkohë disa banesa në kthesën e Kasharit rrezikohen të përmbyten.

Aktualisht qarkullimi i automjeteve në drejtim të Durrësit bëhet vetëm nga rruga e vjetër e Ndroqit.

Situatë problematike ndërkohë paraqitet edhe në aksin Lezhe ? Shkoder, te Harku i Bërdicës, ku për shkak të vërshimit të ujërave të lumit Drin qarkullimi kryhet me vështirësi në drejtim të Velipojës.

Drejtoria e Përgjithshme e Emergjencave Civile u kërkon të gjithë qytetarëve të minimizojnë qarkullimin me automjete për shkak të situatës së krijuar. Gjithashtu keshillohet qe fëmijët të mos lëvizin te pa shoqëruar nga të rriturit.

Drejtoria e Përgjithshme e Emergjencave Civile u bën thirrje qytetarëve të qëndrojnë larg lumenjve. /Citynews





Lajmet e fundit nga