web counter
LEXO PA REKLAMA!

SHKARKO APP

App Store
Google Play

E fundit!

x

Koalicion PD-LSI?/ Ja si përgjigjet Luan Rama

7 Nëntor 2016, 20:37, Aktualitet CNA

Sekretari i Përgjithshëm i Lëvizjes Socialiste për Integrim, Luan Rama i ftuar në studion e Ora Neës, thekson se çdo parti politike synon që të jetë e para në zgjedhje dhe të jetë forcë qeverisëse.

I pyetur në lidhje me një koalicion të mundshëm midis LSI-së dhe Partisë Demokratike, deputeti Rama u shpreh se vendimin e marrin forumet e reja drejtuese, të cilat pritet të zgjidhen në muajin dhjetor me zhvillimin e Konventës Zgjedhore.

 -Ju e konsideruat një batutë të kryeministrit Rama një koalicion midis Lëvizjes Socialiste për Integrim dhe Partisë Demokratike? Cili është pozicioni i LSI-së në lidhje me koalicionin e ardhshëm?

 Rama: Më jep mundësi që të konfirmoj se nuk merrem me batuta dhe as të bëj batuta për batutat. Ne jemi aleat të përgjegjshëm. Jemi korrekt në respektimin e marrëveshjeve. Jemi konsistent në përmbushjen e detyrimeve. Nuk e konsiderojmë qeverisjen si një sfidë të njërës pjesë apo të pjesës tjetër të koalicionit. Sfidën e qeverisjes e konsiderojmë një sfidë të përbashkët që duhet fituar për të mirën e qytetarëve. Në fund të një mandati 4 vjeçar do të gjejmë kohën, vullnetin për të bërë një bilanc qeverisës, për të bërë një bilanc të arritjeve, për të parë me realizëm edhe defektet.

 -E përjashtoni një koalicion me Partinë Demokratike?

 Rama: Ne jemi një koalicioni të natyrshëm politik dhe qeverisës. Duke qenë se jemi në fazë zgjedhore brenda partisë, në fillim të dhjetorit do të mbahet Konventa Zgjedhore, e cila do të zgjedhë forumet e reja drejtuese, Komitetin Drejtues, do të dalë kryesia e re e partisë dhe drejtuesit e rinj që do të përbëjnë ekipin drejtues që do të shoqërojnë zt.Meta në 4 vitet e ardhshme. Është krejt korrekte që gjithë këtë vlerësim ta bëjnë strukturat e reja drejtuese pasi ata të jenë zgjedhur.





Lajmet e fundit nga