web counter
LEXO PA REKLAMA!

SHKARKO APP

App Store
Google Play

Korçë/ Mbyllen punimet e TAP për rrugët dhe urat ndihmëse

7 Nëntor 2016, 18:40, Aktualitet CNA

TAP ka përfunduar punimet për rehabilitimin e rrugëve dhe urave ndihmëse në zonat më të izoluara të qarkut të Korçës.

Zëvendës Kryeministri, Niko Peleshi, zëvendës Ministri i Energjisë dhe Industrisë, Ilir Bejtja, Kryetari i Bashkisë së Korçës, Sotiraq Filo, dhe drejtuesit e TAP në Shqipëri organizuan një vizitë inspektimi për të parë nga afër infrastrukturën e përmirësuar

Në zonat më të largëta malore të Korçës, nga ana e projektit TAP janë rindërtuar apo ndërtuar nga e para rreth 15.5 km rrugë dhe 9 ura që lidhin fshatrat me zonën urbane. Tashmë zonat më të thella malore të Korçës, si fshati Shtyllë, nuk do të kenë më problem të lidhen gjatë stinës së ftohtë me qytetin apo me fshatrat përreth.

?Kjo është ngjarje shumë e rëndësishme për banorët e kësaj zone të thellë malore. Banorët e zonës së Shtyllës dhe akoma më lart të Panaritit vetëm pas pranverës mund të kishin një lidhje normale. Dua ta shoh këtë investim edhe përtej rëndësisë që ai ka për vet dhjetra apo qindra banorët që jetojnë këtu e që kanë një jetë të transformuar. Kjo zonë ka një potencial të jashtëzakonshëm turistik si Vithkuqi?, tha Peleshi

Sipas tij, TAP është një ngjarje e rëndësishme jo vetëm për Shqipërinë por për të gjithë rajonin.

?Jemi të kënaqur që këtu në Shqipëri, si një prej vendeve ku projekti kalon, punët po ecin mirë dhe ka mbaruar faza e rëndësishme e rrugëve të aksesit për rajonin e Korçës. Përveçse sjell më shumë akses për banorët dhe vizitorët potencial ka sjellë edhe një standard. Ky është nga segmentet me standartin më të lartë në Shqipëri?, theksoi Peleshi ndërsa tha se duhet përfunduar rruga që lidh Vithkuqin me qytetin.

 





Lajmet e fundit nga