web counter
LEXO PA REKLAMA!

SHKARKO APP

App Store
Google Play

E fundit!

x

"NACIONAL-PORDHIZMI..."

8 Nëntor 2016, 14:03, Aktualitet CNA

Nacional- pordhizmi”, sipas deduksioneve të mirë detajuara, sado ngjan me nacionalizmat e tjerë, apo me dy nacional-socializmat… është një “doktrinë” e re, mjaft origjinale, dmth sakllam “rilindase”. -Nëse nacinalizmi klasik, njihet si tendencë ideologjike, që kërkon të ekzaltojë konceptin e kombit duke stimuluar ndjesinë e përkatësisë se njerzve ndaj vendit të vet, “Nacional-pordhizmi”, jo vetëm të ekzalton, por të “pallon” me autokënaqësi dhe orgazma imagjinare, të parrokshme.

-Nëse nacionalizmi,ai klasiku, mundi të përngjitej me socializëm, pra u bë nacional-socializëm, që në vazhdim u njëfjalësua me fjalën fashizëm dhe nazizëm, nacional-pordhizmi, është kryeneç, njëlloj si vetë “gjeniu” krijues. “Nacional-pordhizmi” jo vetëm nuk njëfjalësohet, apo rrudhet, por shpërndahet në qiellin e batutave si pjalm… bashkë me tymrat toksike, të plehrave që digjen, lirive që piqen si qofte.

-Nëse nacionalizmi dhe dy nacional-socializmat, shkaktuan dy Luftra…dhe me zjarr, bomba e predha i shkaktuan Europës 70 milion të vdekur, jo “Nacional-pordhizmi” nuk e bën kurrë këtë. “Nacional-pordhizmi” e ka armatimin të lehtë, me rreze të shkurtër, madje shumë të ngushtë veprimi. Ndaj Roma, Beogradi, Shkupi, Prishtina, Ankaraja dhe Athina, duke dëgjuar “krismat” bëjnë sikur pezmatohen, por vetëm nënqeshin.

“Nacional-pordhizmi” është vetëm “doktrinë” fluide, fluturake e kundërmuese… Edhe sikur aksidentalisht të ndodhë ndonjë kondensim i papritur, maksimumi nga qielli politik mund të zbresin “flokë” fekalesh, me bollëk nuk përjashtohet dhe diare, por krejt të padëmshme për popullatën sidomos atë të 1milion shpullave. Përfundim: Ajo që nënvizohet në mënyrë të veçantë është se çfardo të ndodhë, vetë gjeniu i “nacional-pordhizmit”, do të jetë në “bunker-art”; vendstrehimi me të sigurtë qe populli ia pati bërë “dhuratë” Atit të Tij./ Zef ZEFI





Lajmet e fundit nga