web counter
LEXO PA REKLAMA!

SHKARKO APP

App Store
Google Play

Ligji i Plehrave/ Basha: Ndalim i tyre deri sa populli të shprehet me referendum

8 Nëntor 2016, 15:00, Aktualitet CNA

Kryetari i Partisë Demokratike, Lulzim Basha u takua sot me përfaqësues të Unionit të Ekspertëve Mjedisor Shqiptar (UEMSH).

Vendimi i mazhorancës për importin e plehrave ka qenë në qendër të këtij takimi.

Në këtë takim kreu i opozitës solli në vëmendje dhe vendimin e koncesionarit për tu tërhequr nga ndërtimi i impiantit të djegieve në Fier.

Ai tha se vendimi për tu tërhequr në një kohë kur është pezulluar ligji i mbetjeve tregon se interesi i koncesionarit dhe Edi Ramës nuk ishte përpunimi i mbetjeve vendase, por i atyre që kishte planifikuar qeveria të sjellë nga Europa.

Basha theksoi se PD, siç e ka bërë të ditur, do të respektoi vullnetin e qytetarëve për importin e mbetjeve dhe çdo çështje që ka sensibilitet publik, sot në opozitë e nesër në qeveri.

“Takimi me ambientalistët ishte në frymën e bashkëpunimit. Qëndrimi i Partisë Demokratike është i qartë: pranimi i dekretit të Presidentit, ndalimi i importit të plehrave deri sa populli të shprehet me referendum dhe për këtë kemi qëndruar dhe do të qëndrojmë fuqimisht në krah të qytetarëve, të interesit qytetar, të shoqërisë civile, e cila është e angazhuar fuqimisht dhe dua t?i përshëndes”, tha kreu i PD-së pas takimit. /Citynews





Lajmet e fundit nga