E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skandali në drejtësi/ Zbardhet dëshmia e gjyqtares Çibuku në prokurori

3 Nëntor 2016, 18:05, Aktualitet CNA

Prokuroria mori në pyetje gjyqtaren Blerta Çibuku, pas nisjes së hetimit për audio-përgjimin e ndaj ish kryetarit të gjykatës së Gjirokastrës Guximtar Boçi. Gjyqtarja Çibuku pranon takimet me denoncuesen e aferës seksuale dhe bisedat e transmetuara tashmë në media.

ABC News ka mësuar se gjyqtarja Çibuku, ka pranuar njohjen me denoncuesen 38 vjeçare dhe faktin që është takuar disa herë në zyrën e saj. Ajo ka pranuar se zëri i transemtuar nga emisioni Investigati STOP në TV Klan ku flet me të dëmtuaren është i saj, duke pranuar autencitetin e audios. Burimet thonë se gjyqtarja Çibuku është pyetur me cilësinë e personit që ka dijeni për çështjen. Sipas akuzës, ajo ka shpjeguar se ka gjykuar çështjen dhe mbi bazën e provave të shqyrtuara kishte vendosur në favor të ish-vjehrrës së denoncueses për pronën e tyre në Gjirokastër. Nga ana tjetër, ajo është ballafaquar me dëshmin e nënës së dy fëmijëve, e cila i ka treguar hetuesve se bashkë me gjyqtaren Çibuku ka udhëtuar drejt Kosovës ku ka qëndruar 2 ditë. Fakt ky që është verifikuar edhe nga sistemi TIMS nga organi i akuzës. Këtë udhëtim, gjyqtarja Çibuku e ka pranuar por ka shtuar se nuk ka qenë e vetme në këtë udhëtim fundjave por me të gjithë stafin e gjykatës. Gjyqtarja, ka pretenduar se gjatë udhëtimit për në Kosovë kishte mësuar se brenda në furgonin e udhëtimit, bashkë me stafin e gjykatës ndodhej edhe shtetasja R.I. e cila ishte subjekt në një proçes gjyqësor të saj. Por në asnjë rast, ka pretenduar gjyqtarja nuk ka komunikuar për çështjen me 38 vjeçaren gjatë gjithë udhëtimit. Pak kohë pas kësaj rruge, ajo ka treguar se është shprehur me vendim për pronën e pretenduar nga 38 vjeçarja. Gjithashtu, ajo i ka thënë hetuesve gjatë marrjes në pyetje se për çështjen kishte pas ndërhyrje dhe interesim edhe nga kryetari i Gjykatës tashmë i shkarkuar nga kjo detyrë Guximtar Boçi. Por siç është shprehur ajo, nuk ka ndikuar kjo ndërhyrje në vendimarrje. Nga ana tjetër, 38 vjeçarja në dëshminë e saj dhënë para hetuesve ka treguar se ka qenë ndërhyrja e kryetarit të gjykatës që ajo të humb çështjen, pasi nuk kishte pranuar të krijonte lidhje intime.

Prokuroria për Krime të Rënda, pas publikimit të audio-përgjimit të të dëmtuarës, ku dëgjohej qartë ngacmimet seksuale të kryetarit të gjykatës Guximtar Boçi ka nisur hetimet për akuzën e ?Korrupsionit?. Akuzë për të cilën pritet të japë shpjegime edhe vet gjyqtari Boçi tashmë i pezulluar nga detyra me vendim të KLD-së.