VIDEO/ Dule-Ramës/ Aventurier në krye të qeverisë. Ç’dehu zoti kryeministër

3 Nëntor 2016, 14:29, Aktualitet CNA

Deputeti dhe kryetari i PBDNJ-së, Vangjel Dule e ka konsideruar kryeministrin Edi Rama një aventurier në krye të qeverisë qëpo shkatërron marrëdhëniet Shqipëri-Greqi pasi ka shkatërruar fillimisht vendin e tij.

“Sot ne kemi një aventurier në krye të qeverisë. Pika më e fortë e shtetit shqiptar në këto 25 vjet ka qënë roli stabilizues, bashkëpunues në rajon. Është ky kryeministër që i ka kthyer mbrapsht këto vlera paqësore dhe po presim sot të na zbulojë armikun e ri nën trysninë e ligjit të kthyer dhe kundërvënien e shoqërisë të importimit të mbetjeve, në kushtet e kanabizimit të vendit, kur jemi të sigurt se vetëm në lulishten para Kryeministrisë nuk ka kanabis, se në lulishtet mbrapa nuk jemi të sigurt se ka; në kushtet kur ky shpall armik Greqinë, që ka bërë avokatinë e Shqipërisë në NATO dhe po e bën edhe për integrimin në BE. Zotëria po krijon dyshime nëse realisht e do integrimin e vendit tonë në BE”, tha Dule.

“I keni hyrë një aventure, e cila ka një kosto. Ju s?mund të mbuloni me asnjë retorikë sado e rafinuar të jetë, atë akt prej grabitqari që ke ndërmarrë në zonën e Himarës. E di mentalitetin, fabrika e propagandës, do ndryshojë edhe folklori, trim mbi trima ai Gjergj Elez Alia, por ka filluar të përsëritet ?ai trim mbi trima Edi Rrama?. Është një llogari e humbur, se populli shqiptar, është një popull që jo vetëm në zonat kufitare, por ka lidhje familjare, shoqërore e biznesi? Ti preferove të zgjedhësh një gravurë me një minare, ajo është fakt historik që ai vend ka pasur edhe një minare, por asnjë s?ka dashur ta shohë si të tillë se mbetet për ta altar i vlerave të demokracisë. Ti ndoshta edhe Perikliun e shikon me çallmë, por u jep të drejtën të gjithë atyre që të shikojnë, të të shohin si një luftëtar i jeniçerëve i ndërsyer në kohërat e shkuara drejt Vjenës. S?të shpëton asnjë retorikë nacionaliste, as nga Partia e Blushit as nga dekreti që do rrëzohet masivisht në këtë parlament sado ta vonosh, ndaj është momenti të pranosh dështimin tënd në cdo fushë të aktivitetit qeveritar dhe në vend të justifikimit të saj të dalë boje, me qëllim mos bëhesh streha e fundit e asaj çka është nacionalizmi

Juve jeni të dehur, se kuptoni ku jetoni, keni humbur kontaktin me realitetin, një gjeneral madhor vizitoi divizionin e Gjirokastrës, e dinin pasionin e tij për tavolina të mëdha dhe i kishin pjekur një qengj vetëm për të dhe nën avujt e rakisë, i thotë komandanti i divizionit, për një orë kapim Janinën, gjenerali i thotë pi dhe një dhe kap Athinën. Ç?dehu zoti kryeministër, është koha”, vijoi Vangjel Dule. /Citynews