web counter
LEXO PA REKLAMA!

SHKARKO APP

App Store
Google Play

Ankaraja kërkesë qeverisë shqiptare/ Shkollat turke në Shqipëri të mos mbajnë flamur apo logo turke

3 Nëntor 2016, 14:36, Aktualitet CNA

Turqia i kërkon qeverisë shqiptare që shkollat turke në Shqipëri të mos kenë flamur apo logo turke. Një shkresë e tillë i ka mbërritur zyrtarisht Ministrisë së Jashtme dhe asaj të Arsimit, me qëllim që të merren masa të menjëhershme.

?Është një shkresë administrative që i drejtohet drejtorive arsimore rajonale me një shqetësim të ambasadës turke për përdorimin e flamurit turk në këto institucione. Me të drejtë, ambasada ka kërkuar që të mos përdoret flamuri, pasi është vetëm shteti turk që autorizon përdorimin e simboleve kombëtare?, është shprehur Plarent Ndreca, sekretar i përgjithshëm i Ministrisë së Arsimit.

Sipas Ndrecës, institucionet e arsimit duhet që të respektojnë kriteret e liçencimit dhe këtë kërkesë të amabsadës turke.

?Në bashkëpunim me Ministrinë e Jashtme kemi drejtuar shkresën se, institucione të ndryshme të liçencuara nga Ministria e Arsimit duhet që t?u përmbahen rigorozisht logove dhe simboleve që janë miratuar me akt liçencimi?, ka vijuar Ndreca.

Kërkesa e qeverisë turke vjen pas pretendimeve se institucionet arsimore turke në vendin tonë financohen nga Fetyllah Gylen dhe njerëz të tij. /Citynews





Lajmet e fundit nga