web counter
LEXO PA REKLAMA!

SHKARKO APP

App Store
Google Play

Braho: SHISH përgjon titullarë nën hundën e Prokurorisë

1 Nëntor 2016, 22:22, Aktualitet CNA

Sipas Brahos, SHISH më herët ka refuzuar edhe kontrollin parlamentar. Deklaratat e kreut të komisionit të Sigurisë, Spartak Braho u bënë gjatë tryezës ?Kuvendi dhe Institucionet e pavarura?.

Kreu i Komisionit të Sigurisë, Spartak Braho ka deklaruar se duhen bërë menjëherë ndryshimet ligjore për raportimin e agjencive inteligjente, pasi SHISH refuzon kontrollin dhe llogaridhënien.

?Ka dy vjet e ca që Shërbimi Informativ Shtetëror, nuk raportojnë në Kuvend. Madje edhe një tentativë që u bë për të kontrolluar veprimtarinë për zbatimin e ligjit të financmit, u refuzuar edhe prej tyre dhe falë edhe indiferencës së qeverisë edhe strukturave parlamentare, kjo gjë mbeti në heshtje? u shpreh Braho.

Më tej Braho ngre edhe shqetësimin se ka dyshime se Shërbimi Informativ Shtetëror (SHISH), nën hundën e Prokurorisë ka përgjuar titullarw institucionesh, por këto aludime, sipas tij, duhen vërtetuar.

?Ka pasur sinjalizime të forta, që nën hundët e Prokurorisë janë bërë përgjime për titullarët e institucioneve të tjera, por këto mbeten në kuadrin e hamendësimeve dhe që priten të verifikohen??, vazhdoi më tej Braho.

I pranishëm në tryezën ?Kuvendi dhe Institucionet e pavarura? ishte dhe kreu i Kuvendit Ilir Meta qe u shpreh se demokracia jonë ka nevojë për kulturë bashkëpunimi dhe solli si shembull reformën në drejtësi si aktin më të rëndësishëm të përfshirjes së shumë institucioneve.





Lajmet e fundit nga