web counter
LEXO PA REKLAMA!

SHKARKO APP

App Store
Google Play

Vizita e Ramës në Shishtavec/ Noka: Flet për paga e për mirëqënie në zonën më të varfër

25 Tetor 2016, 12:17, Aktualitet CNA

Deputeti i Partisë Demokratike për Qarkun e Kukësit Flamur Noka, ka reaguar menjëherë pas deklaratave të bëra sot nga Kryeministrit Edi Rama me fermerët në Shishtavec.

Rama i është drejtuar ish-Kryeministrit duke thënë se nuk ndërtoi rrugë, por mori kredi duke krijuar borxhe ndaj kompanive.

?Saliu nuk ndërtoi asnjë rrugë, preu vetëm shirita. Kompanitë morën kredi për të vijuar ndërtimet por ngecën. U krijua një zinxhir i rrezikshëm borxhi ndaj kompanive. Ne s’kemi hapur kantiere të reja, por po ndërtojmë rrugët e lëna përgjysmë. Nëse nuk do t’i kishim ato borxhe do të ndërtonim rrugë 3 herë më shumë?, tha Rama.

Por pas kësaj deklarate ka ardhur edhe reagimi i deputetit Noka, i cili i sjellë në kujtesë kryeministrit Rama se ishte ish-kryeministri Berisha që ndërtoi rrugën e Kombit dhe rrugën Kukës-Shishtavec.

?Akuzon që nuk ka rrugë ndërkohë Rama shkoi në Shishtavec nga rruga e Kombit. Është cinizmi ekstrem i Ramës që flet për paga e për mirëqënie në zonën më të varfër. Dua të pyes Edi Ramën se kush i boshatisi këto zona nga banorët? Banorët e Kukësit nuk jetojnë në plantacione hashashi, prandaj janë të varfër?, është shprehur Noka.

Deoputeti demokrat deklaratën e bëri teksa inspektonte fillimin e punimeve të rikostruksionit të  një rruge në Lagjen e re të qytetit të Kukësit, investim i Bashkisë Kukës. /Citynews

 





Lajmet e fundit nga