Banori i Shishtavecit i kërkon rrugë/ Rama: Sa fëmijë ke, përnjëherësh i ke bërë?

25 Tetor 2016, 11:06, Aktualitet CNA

Kryeministri Edi Rama ishte paraditen e sotme në Shishtavec të Kukësit në një bashkëbisedim me banorët e kësaj zone.

Përveçse foli për sukseset e qeverisë së tij dhe dështimet e qeverisë së shkuar, Rama nuk harroi të shkëmbente edhe batuta me banorët.

Gjatë replikave me banorët e zonës Rama është përpjekur të tallet me partinë e re të Ben Blushit. Në një moment kakofonie për faktin se cili nga banorët do ta marrë fjalën më pare, Rama ka ndërhyrë duke thënë: ?Ti që flet kaq shumë do me bë parti të re, mos të njifshin do thoshin hajt ta ngjojmë, por s?të dëgjon njeri se të njofin?.

Pjesë e bashkëbisedimit të Ramës me banorët

Rama: U zgjata por më dha frymëzim rruga dhe dielli. Unë me Partizanin jam, nuk kam shpresë të ketë tifozllik të madhe për mu, por Partizani do fitojë nuk diskutohet.

Banori: Unë jam fermer, ka dy tre pyetje, se kështu jam i kompletuar 90%.

Rama: Hajde të të përqafoj pak se qenke, 90% i kompletuar, unë vetë mezi u kompletova 51%.

Banori: S?ka gjë se ke kohë

Rama: Po mo po, ajo po.

Banori: Kemi probleme me ligjin 70501, nuk kemi konflikt me njëri-tjetrin, por me ligjin..

Rama: Nuk të premtoj, se thonë nuk mban pretimet, unë me veten bëj premtime që i mbaj dhe ato që kam bërë i mbaj një më një. Për gjatësinë që kam nuk rrej, se të shkurtrit rrejnë me kollaj, nuk e kisha me ty, flas për politikën, në jetë e kam mësuar i gjati është shërbëtor i të shkurtrit.

Banori: Ne na e kanë premtuar dhe stërpremtuar rrugën. Ne e duam rrugën.

Rama: Unë ta kam premtuar?

Banori: Na e kanë premtuar kryeministrat para jush, na e ka premtuar Fatos Nano.

Rama: Më vjen keq, Fatosin e kam mik, por nuk i kërkoj dot llogari.

Banori: Na e kanë premtuar edhe të PD-së tetë vjet.

Rama: As atyre nuk u kërkoj dot llogari.

Banori tjetër: Fëmijët tanë pasi mbarojnë shkollën 9-vjeçare bëjnë 3 orë rrugë në këmbë. Shumica janë nga fshati ynë, na bëni këtu shkollën e mesme sic ka qenë.

Rama: Me sa kate e ke shtëpinë. Përnjëherësh i ke bërë? Sa fëmijë ke, përnjëherësh i ke bërë? /Citynews