E fundit!

12:20 Kronika

Atentati i 30 qershorit në Korçë/ Arrestohet vëllai i autorit, në pranga dhe i plagosuri

Një nga personat e shpallur në kërkim për plagosjen e shte...

Sa mandate mund të fitojë Ilir Meta

25 Tetor 2016, 09:20, Aktualitet CNA

Zgjedhjet e vitit 2017 janë testi i së ardhmes politike të LSI-së dhe Ilir Metës. Për këtë ai është tepër i qartë. Kreu i Kuvendit i artukuloi se LSI në zgjedhjet e ardhshme do të forcojë më tej pozitat qeverisëse ose do të jetë parti kryesore e Opozitës. Meta e tha qartë për të dy partitë e mëdha, qoftë për Ramën qoftën për Bashën se tashmë nuk ka frikë asnjë prej tyre kjo edhe për shkak të mandateve dhe pozitave që po forcon në politikën e vendit dhe arenën ndërkombëtare.

LSI në zgjedhjet e vitit 2013 shkoi te 180 mijë vota duke fituar 16 mandate deputetësh dhe i 17-i erdhi përmes Spartak Brahos që kandidoi nën logon e PS-së.

Në zgjedhjet lokale të 2015-ës Ilir Meta shkoi në 280 mijë vota. Trendi rritës i tij është i frikshëm nga viti 2009 në vitin 2015. E filloi me 4 mandate me rreth 80 mijë vota, në vitin 2011 shkon në 125 mijë, në 2013 shkon 180 mijë dhe në 2015 kap një rritje historike prej 280 mijë votash, 3,5 herë më shumë se në vitin 2009.

E përkthyer në mandate, në rast se LSI ruan trendin e zgjedhjeve të 2015-ës, pra të ketë rritje krahasuar me vitin 2013, diçka që normalisht duket e pritshme, me rreth 280 mijë vota Ilir Meta siguron të paktën 25-27 mandate brenda koalicionit me PS-në dhe i vetëm, brenda një koaliconi të drejtuar prej tij, ka të paktën 20-22 mandate deputetësh.

LSI është ndoshta e vetmja force politike që nuk e ka frikën e uljes së votave sepse gjithmonë ka njohur rritje dhe Ilir Metës do ti mjaftonte një rritje nga 180 mijë në 220 apo 230 në 2017 për tu rikonfirmuar se në zgjedhjet politike ai njeh vetëm rritje dhe me atë rezultat sërish do të kishte 20 mandate të cilat do ta kushtëzonin jo pak Edi Ramën, icili ka frikë se kreu i LSI-së mund të shkojë te Lulzim Basha.

Në të gjitha mënyrat e llogarive Ilir Meta do të ngelet në zgjedhjet e ardhshme një faktor kryesor në qeverisjen e vendit. Ai mund të humbasë disi peshën e tij në rast se Rama dghe Idrizi shkojnë së bashku mbi 70 mandate deputetësh çka do të thotë se i gjithë koalicioni i majtë së bashku me Metën të rikonforimojë 1 milion vota ose më tepër që fatkeqësisht do të ishin mbi 90 mandate dhe momenti kur do të binte këmbana e mortit në oborrin e opozitës. /Citynews