web counter
LEXO PA REKLAMA!

SHKARKO APP

App Store
Google Play

Komisioni për Punë të Jashtme: Arrestimi i Nehat Thaçit provokon tensione midis dy vendeve

4 Tetor 2016, 15:54, Kosova & Bota CNA

Në kohën kur Kosova është e interesuar që të normalizojë raportet me shtetin fqinj Serbinë, ajo me politikat e saj që i takojnë të së kaluarës vazhdon të vë në pikëpyetje përpjekjet e Republikës së Kosovës dhe të bashkësisë ndërkombëtare për të promovuar paqe dhe stabilitet në rajon, thuhet në Deklaratën e Komisionit për Politikë të Jashtme të Kuvendit të Kosovës, që i referohet arrestimit nga Seria të Nehat Thaçit, komandantit të Policisë së Mitrovicës.

Komisioni për Punë të Jashtme i Kuvendit të Kosovës ka lëshuar sot një Deklaratë lidhur me arrestimin arbitrar nga autoritetet serbe të drejtorit të Policisë Rajonale të Mitrovicës, Nehat Thaçi, transmeton Koha.net. Në deklaratën e komisioni thuhet:

?Komisioni për Politik të Jashtme i Kuvendit të Kosovës e ka përcjellë me shqetësim të madh rastin e fundit të arrestimit të drejtorit të policisë rajonale të Mitrovicës, Nehat Thaçi.

Komisioni për Politikë të Jashtme i Kuvendit të Kosovës e vlerëson krijimin e Task-Forcës për zgjidhjen e këtij rasti.
Komisioni shpreh indinjatën e thellë për ketë rast, duke e konsideruar si një akt i cili mund të provokojë tensione të reja në mes të dy shteteve.

Në kohën kur Kosova është e interesuar që të normalizojë raportet me shtetin fqinj Serbinë, ajo me politikat e saj që i takojnë të së kaluarës vazhdon të vë në pikëpyetje përpjekjet e Republikës së Kosovës dhe të bashkësisë ndërkombëtare për të promovuar paqe dhe stabilitet në rajon.

Komisioni për Politikë të Jashtme i Kuvendit të Kosovës, kërkon nga të gjitha institucionet vendore dhe ndërkombëtare që të marrin të gjitha masat e nevojshme, që të ndodhë lirimi sa më shpejt i drejtorit të Policisë Rajonale të Mitrovicës, Nehat Thaçi, në të kundërtën, komisioni vlerëson se përsëritja e këtyre rasteve do të vë në pikëpyetje bisedimet që po zhvillohen në Bruksel?. /Citynews.al





06:30 Kosova & Bota

Konsensusi i munguar

Pas më shumë se një viti konfrontimesh e mospajtimesh politi...

Lajmet e fundit nga