web counter
LEXO PA REKLAMA!

SHKARKO APP

App Store
Google Play

E fundit!

x

Pasaporta e Kosovës e dashur, por pak funksionale

2 Tetor 2016, 15:27, Kosova & Bota CNA

Pasaporta e Kosovës është në vendin e 86-të, në radhitjen ndërkombëtare të fuqisë së saj. Qytetarët e saj mund të udhëtojnë në vetëm 41 vende të botës pa viza.

Të rinj kosovarë të anketuar për rubrikën ?VOX? të Radios Evropa e Lirë në shumicën prej tyre thonë se janë të kufizuar për të lëvizur nëpër vende të ndryshme të botës.

?Duke i pasur parasysh rrethanat, në të cilat jetojmë, mund të them ndoshta nuk e ka vlerën që duhet ta ketë. Unë i takoj një grupi shumë të kufizuar të njerëzve të Kosovës kam pasur fatin të kem vizë dhe më është dhënë mundësia të lëvizi pak më lirshëm. Në përgjithësi, konsideroj se është jashtëzakonisht e limituar mundësia e lëvizjes për të gjithë qytetarët e Kosovës?, thotë Yllka.

Xhavid Novolani thotë për Radion Evropa e Lirë se nuk ka pasaportë të Kosovës pasi që për të nuk ofron mundësi për të lëvizur lirshëm në vende të Evropës dhe më gjerë.

?Pasaportë të Kosovës nuk kam, kam pasaportë të Bosnjës, sepse mundësia për të lëvizur nëpër shtete perëndimore është me atë pasaportë(të Bosnjës), fatkeqësisht, për shkak se shteti im nuk ma mundëson?, thotë ai.

Kurse, Gentrit Gecaj, student, shprehet: ?Po kam pasaportë të Kosovës edhe nuk është që më jep shumë mundësi, por nuk është keq?.

Besa Obërtinca thotë se edhe pse ka pasaportë të Kosovës, për viza nuk ka aplikuar në asnjë ambasadë.

?Nuk kam pasur ku të shkoj me të. Në Shqipëri unë shkoj pa pasaportë, edhe askund tjetër. Nuk kam mundësi ekonomike?, tregon Besa. /Citynews.al





06:30 Kosova & Bota

Konsensusi i munguar

Pas më shumë se një viti konfrontimesh e mospajtimesh politi...

Lajmet e fundit nga