E fundit!

18:59 Editorial

Mulizimi apo Molëzimi i PD-së?!

Në mbledhjen e fundit të Këshillit Kombëtar të PD-së p...

“Home” merr kritika pozitive nga Critical Movie Critics

29 Shtator 2016, 16:47, Kosova & Bota CNA

Filmi më i ri i regjisores More Raça, ?Home?, i cili pati premierën në Raindance Film Festival, ka marrë një kritikë të fuqishme e pozitive në Critical Movie Critics.

Filmi, i cili u dha premierë në një festival me renome në botë, siç transmeton KultPlus, është cilësuar si jo sentimental, por një përpjekje për të treguar pjesët e ndryshme të kryeqytetit në një histori të mirë filmike.

?Filmi mund të konsiderohet si një copë e realizmit në Kosovë, me fokus në realitetin social e ekonomik, ku nuk shfaqet asnjë mundësi ose dalje nga kriza. Për një kohë të shkurtër diçka realiste shfaqet por shpejt del se është një formë e shtypjes burokratike? shkruhet mes tjerash në këtë kritikë.

?Home? flet për fatin e Havës, një grua 35 vjeçe, së cilës pas vdekjes së babait i ndryshon edhe jeta. Vëllezërit e saj pas kësaj ngjarje vendosin që ta ndajnë pasurinë ku Hava mbetet e përjashtuar nga e drejta për të qenë edhe ajo trashëgimtare e barabartë me vëllezërit.
?Dhe kjo shtypje ndaj Havës në film paraqitet si institucioni i patriarkatit, si një çështje endemike sociale më shumë sesa një tipar individual.
Filmi ?Home? është i bazuar në ngjarje të vërtetë dhe paraqet konfliktin për çështje trashëgimie në mes të vëllait dhe motrës, në mes të drejtës tradicionale dhe asaj ligjore.

Në këtë film luajnë: Xhejlane Tërbunja, Sunaj Raça, Kumrije Hoxha, Bekim Mulaj, Florentina Ademi, Veton Osmani, Albulena Bardhi, Mirsad Ferati, Don Raça, Gani Morina.

?Hava është lesbike e cila takohet në mënyrë klandestine me të dashurën e saj, në rol është Florentina Ademi, e cila më pas e informon se ato nuk mund të takohen më për shkak se një njeri që nuk ka emër është kthyer. Ai mund të jetë vëllai ose baba i të dashurës, kësaj të fundit. Këtu na del edhe një grua e shtypur nga presioni shoqëror, që nuk mund ta shfaqë lehtësisht seksualitetin e tij pos në raste të fshehta ose kur mbikëqyrësi i saj mashkull nuk është afër saj? vazhdon kritika e Critical Movie Critics për filmin e More Raçës.

Kritika kërkon që filmi të shfaqet në një audiencë më të madhe për shkak të adresimit të problemeve të ndryshme. /Citynews.al