web counter
LEXO PA REKLAMA!

SHKARKO APP

App Store
Google Play

Rahami akuzohet për shpërthimet në Nju Jork e Nju Xhersi

21 Shtator 2016, 16:34, Kosova & Bota CNA

Shtetet e Bashkuara të Amerikës kanë akuzuar Ahmad Khan Rahami-n se ka vendosur bombat në Nju Jork e Nju Xhersi.

31 persona u plagosën kur një bombë shpërtheu në afërsi të zonës së Chelsea në Manhattan, ditën e shtunë. Rahami ishte akuzuar tashmë nga shteti i Nju Xhersit për tentativë të vrasjes masive gjatë arrestit të tij.

Akuzat e reja që rëndojnë ndaj tij, përfshijnë përdorimin e një arme të shkatërrimit në masë, bombë-vënies, shkatërrimin e pronës private dhe përdorimin e një pajisjeje shkatërruese. Hetuesit thonë se 28-vjeçari vendosi dy bomba në zonën e Chelsea por njëra prej tyre nuk arriti të shpërthente. Ndërkohë, bomba tjetër që shpërtheu në Nju Xhersi gjatë të njëjtës ditë, nuk shkaktoi asnjë të lënduar.

Rahami akuzohet gjithashtu se ka hedhur eksplozivët në një kosh plehrash në Elizabeth, Nju Xhersi, ndërsa sipas dokumentave të gjykatës, ai kishte muaj që po përgatitej për këtë sulm. Seria e bombardimeve gjatë fundjavës ka nxitur një debat të ashpër mbi sigurinë kombëtare mes dy kandidatëve presidencialë, disa ditë para debatit të tyre të parë televiziv.

Republikani Donald Trump është përqëndruar në faktin se Rahami është lindur në Afganistan për të përkrahur qëndrimin e tij të ashpër ndaj emigracionit.
Por, rivalja e tij, demokratja Hillary Clinton ka akuzuar Trump se po nxit dhunën dhe terrorin në vend.

Rahami vazhdon ende të jetë në spital, pas plagëve që ai mori gjatë të shtënave të cilat çuan në arrestimin e tij. /Citynews.al

 

 





Lajmet e fundit nga