web counter
LEXO PA REKLAMA!

SHKARKO APP

App Store
Google Play

Shahini kërkon dominimin e investimeve turke në Kosovë

21 Shtator 2016, 14:46, Kosova & Bota CNA

Këshilltari për Tregti i Ambasadës së Turqisë në Kosovë, Tamer Topaloglu, ka vizituar Aleancën Kosovare të Bizneseve, ku është pritur nga kryetari AKB-së, Agim Shahini dhe nënkryetari Suat Berisha, të cilët kanë biseduar për thellimin e bashkëpunimit dhe eliminimin e barrierave aktuale.

Shahini tha se bashkëpunimi ndërmjet dy vendeve duhet të rritet dhe se presin që Turqia të rris apo edhe dominojë me investime në Kosovë.

?Kosova mund të eksportojë pa taksa drejt vendeve të Bashkimit Evropian dhe bizneset nga Turqia mund të shfrytëzojnë këto lehtësira ku mund të vijnë investojnë, prodhojnë e eksportojnë drejt BE-së pa taksa, pasi që këto lehtësira Turqia nuk i ka?, tha Shahini.

Sipas tij, pos kësaj, në Kosovë ka edhe lehtësira të tjera dhe mundësi të shumta për ardhjen e investitorëve nga Turqia.

Tamer Topaloglu, këshilltar për Tregti në Ambasadën e Turqisë në Kosovë, tha se situata në të dy vendet kohëve të fundit ishte jo stabile, por edhe përkundër kësaj, biznesi ka mbijetuar. Sipas tij, bashkëpunimi ndërmjet bizneseve të dy shteteve është i mirë, por duhet fuqizuar edhe më shumë.

?Turqia dhe Kosova kanë bashkëpunim në fusha të ndryshme e sidomos në atë ekonomike dhe shpresojmë se do të realizojmë edhe disa projekte të përbashkëta në bashkëpunim edhe me AKB-në?, tha Topaloglu.

Ai shtoi se Kosova, edhe përkundër se është një vend i vogël, është mjaft atraktiv për biznes dhe shpreson në rritjen e ekonomisë.

Topaloglu tha se ekonomia e Turqisë, viteve të fundit ka pasur rritje dhe zhvillim në 4 për qind, GDP-ja është rritur mbi 3 për qind, ndërsa eksporti vjetor i Turqisë arrin në 160 miliardë dollarë.

Sipas tij, pas situatës jo stabile nga 15 korriku e këndej ekonomia e Turqisë ka mbijetuar pa pasoja dhe nga kjo u vërejt se ekonomia e Turqisë është jashtëzakonisht e fuqishme.

?Pritjet tona janë se më 2017 Turqia do të ketë ekonominë edhe më të fuqishme. Derisa tash jemi në vendin e gjashtëmbëdhjetë, edhe përkundër se vendi rrethohet nga shtetet që janë në luftë?, tha këshilltari Tamer Topaloglu. /Citynews.al

 





Lajmet e fundit nga