Me kallash për dru/ Nga Elvi FUNDO

1 Shtator 2016, 15:24, Aktualitet CNA

Një shkrim që lind nga një raport i policisë në Korçë. Një analizë e shkurtër që mund ta bëjë çdo qytetar këtij vendi pas raportimeve të përditshme nga policia se janë korrur 7 mijë rrënjë kabis këtu e 10 mijë atje, apo 40 mijë diku tjetër nga jugu në veri.

Është pikërisht ky njoftim i mëposhtëm i policisë që tregon një të vërtetë të madhe. Krimi të tërheq pas dhe të inkriminon kur duhet të mbrosh jetën tënde.

?Specialistët e Seksionit për Krimet, në Komisariatin e Policisë Korçë, bënë kapjen dhe arrestimin në flagrancë të shtetasit :

Klajdi Shalcanji, 32 vjeç, banues në Korçë.

Arrestimi i tij u bë pasi, dje ky shtetas në afërsi të fshatit Gjonomadh, gjatë kontrollit që shërbimet e Policisë, kanë ushtruar në automjetin e tij tip ?Toyota?me targa KNP 6543, të cilin e kishte të ngarkuar me 4m kub dru zjarri, iu gjet e bllokua me cilësinë e provës materiale:

Një armë zjarri tip automatike model 56, kalibri 7.62mm, si edhe një krëhër me 26 fishekë, të cilat shtetasi i lartpërmendur, i posedonte pa lejen e organeve përkatëse?, thuhet në njoftimin e policisë.

Por ka disa detaje ky arrestim. Ka ndodhur në momentin kur policia shkoi në zonën e Lekasit pas një telefonate se kishte persona të vrarë dhe të plagosur.

Personi nuk u kap me kanabis, bjellë masivisht në atë zone, por me dru. Arma nuk rezulton ende të jetë përdorur. I armatosuri kishte ngarkuar 4 m3 dru për në dimër ti çonte në shtepi. Mbajtja e kallashit është vepër penale dhe dënohet me burg, për ketë 32 vjeçari dhe do gjykohet. Por nuk mund të ri pa thënë disa fjalë.

Një 32 vjeçar që kapët me 4m3 dru dhe jo me droge në një zone ku ka më shumë kanabis se pemë, ka një ndryshim të madh nga ata kriminelët që mbajnë arme.

4 m3 dru janë jo pak por gati 150 mijë lekë të vjetra për shtepinë e Klajdit, qoftë për tu ngrohur, apo për ti shitur. Nuk janë sa një kg kanabis që bën 300 apo 400 euro kg. Klajdi kishte dru dhe jo droge, por kishte një armë.

Pse i duhej arma 32 vjeçarit në zonën e Lekasit dhe Voskopojës, ku ai kishte prerë apo marrë drutë?

Aty në ato zona, njerzit janë kokë ulur dhe punëtorë, nuk ka banditë dhe persona me armë. Janë mikpritës dhe të kulturuar, arma mund të duhet vetëm për dy arsye. Ajo zonë ka shumë ujqër e para dhe së dyti për persona të panjohur të armatosur që kontrrollojnë parcelat e drogës në ato territore.

Klajdi në makinën që mer 4 m3 dru mund të merte thase me droge, por shkoi në pyll për dru, dhe tani përveç sopatës apo motosekës për të prerë pemët duhet dhe një kallash me vete. Ky kallash të duhet të mbrohesh nga bandat kriminale që kanë nën kontrroll territore të ndryshme në zonat malore. Aty ku policia do 2 apo 3 ore të shkojë. Aty banorët shkojnë për dru, por tani ajo zonë kontrrollohet nga bandat dhe fshatarët e zonës e thonë shpesh këtë fakt. Mjete me targa të huaja apo persona të panjohur lëvizin lirshëm. Janë ata që kultivojnë dhe kujdesen për kanabisin që kanë mbjellë.

Rasti i Kolonjës ku u gjetën 20 mijë rrënjë kanabis dhe asnjë nuk ishte nga zona është një dëshmi e gjallë.

Këtu nuk dua të mbroj Klajdin, ai tani do dënohet për kallashin e tij në makinë, por jam i bindur se si Klajdi ka mjaft fshatarë të atyre zonave malore që vec krabës dhe sëpatës duhet të mbajnë një kallashnikov në krah, sepse zonat ku ata punojnë e jetojnë kontrrollohen nga bandat që kanë mbjellë drogë.

Këtë na e thotë çdo ditë policia vetë me punën e saj, na i thonë fshatarët e zonave malore, na e thotë opozita, na e thonë gazetarët, qeveria dhe fatkeqsisht ndërkombëtarët heshtin.

Klajdi do bëjë burg sepse mori një armë të mbrohej nga bandat, siç e mbajnë shumë banorë të zonave malore në qarkun e Korçës, jo se janë kriminelë por sepse krimi dha bandat ju kanë shkuar tek dera e shtëpisë.